ஐக்கிய தேசியக் கட்சி ஆட்சி காலத்தில் சாய்ந்தமருது தனி நகர சபையாக்கப்பட்டிருந்தால் பொதுஜன பெரமுனவினர் அதனை விமர்சித்திருப்பார்கள் என்று கூறிய கருத்துக்கள் ஊடகங்களில் தவறாக வெளியிடப்பட்டுள்ளதாக பாராளுமன்ற உறுப்பினர் எஸ்.எம்.மரிக்கார் தெரிவித்தார்.
இது தொடர்பில் அவர் விளக்கமளிக்கையில்,
சாய்ந்தமருது தனி நகரசபையாக்கப்பட்டமை தொடர்பில் நான் கூறிய கருத்துக்கள் தவறாகப் புரிந்து கொள்ளப்பட்டுள்ளன. ஐக்கிய தேசியக் கட்சி ஆட்சி காலத்தில் சாய்ந்தமருது தனிநகர சபையாக்கப்பட்டிருந்தால் விமல் வீரவன்ச அல்லது பொதுஜன பெரமுனவினர் இதனை குறையாகக் கூறியிருப்பர்.
இதனையே நான் கூறினேன். சாய்ந்தமருது தனி நகரசபையாக்கப்பட்டமைக்கு நாம் எதிர்ப்புத் தெரிவிக்கப் போவதில்லை. காரணம், இது சாய்ந்தமருது மக்களின் தேவையாகும். எனினும், ஐக்கிய தேசியக் கட்சி ஆட்சி காலத்தில் இந்நடவடிக்கை எடுக்கப்பட்டிருந்தால் பொதுஜன பெரமுன என்ன கூறியிருக்கும் என்பதையே நான் கூறினேன் என்றார்.-Vidivelli