மீளத்திரும்புவதற்கான மாபெரும் பேரணி என அழைக்கப்படும் ஆக்கிரமிப்புக்கு எதிரான வாராந்த எதிர்ப்பு ஆர்ப்பாட்டத்தில் காஸாவைச் சேர்ந்த நூற்றுக்கணக்கான பலஸ்தீனர்கள் கடந்த வெள்ளிக்கிழமை பாதுகாப்பு வேலியை நோக்கிச் சென்றனர்.
பலஸ்தீனக் கொடியினை ஏந்திக்கொண்ட ஆர்ப்பாட்டக்காரர்கள் கிழக்கு காஸா பள்ளத்தாக்கிலுள்ள ஐந்து வெவ்வேறு இடங்களில் ஒன்று குழுமினர்.
பலஸ்தீனப் பிரிவினரால் தோற்றுவிக்கப்பட்ட மீளத் திரும்புவதற்கான மாபெரும் பேரணியின் மற்றும் காஸா ஆக்கிரமிப்பைத் தகர்ப்பதற்கான உயர்மட்ட தேசிய ஆணைக்குழு இவ்வெள்ளிக்கிழமை ஆர்ப்பாட்டத்திற்கு லெபனானை தளமாகக் கொண்ட அகதி முகாம்கள் என அங்குள்ள அகதிகளின் துன்பங்களைக் குறிக்கும் வகையில் பெயரிட்டுள்ளது.
வாராந்த ஆர்ப்பாட்டத்தின் மீது இஸ்ரேல் இராணுவத்தினர் மேற்கொண்ட தாக்குதல் காரணமாக 39 பலஸ்தீனர்கள் காயத்திற்குள்ளானதாக பலஸ்தீன சுகாதார அமைச்சு அறிவித்துள்ளது.
காயத்தின் தன்மைகள் தொடர்பில் மேலதிக விபரங்கள். எதனையும் வெளியிடாது சுருக்கமாக வெளியிடப்பட்ட அமைச்சின் அறிக்கையில் உண்மையான துப்பாக்கி ரவைகளைப் பயன்படுத்தி மேற்கொள்ளப்பட்ட தாக்குதல்களினால் 26 பேருக்கு காயம் ஏற்பட்டதாகத் தெரிவிக்கப்படுகின்றது.
கடந்த வருடம் மார்ச் மாதம் காஸாவில் ஆரம்பிக்கப்பட்ட மீளத் திரும்புவதற்கான மாபெரும் பேரணியில் காஸாவுடனான இஸ்ரேலின் எல்லை வேலிப் பகுதியில் இஸ்ரேலினால் மேற் கொள்ளப்பட்ட தாக்குதல்கள் காரண மாக 270 பேர் உயிரிழந்துள்ள தோடு ஆயிரத்திற்கும் மேற்பட்டோர் காயமடைந் துள்ளனர்.
vidivelli