ஒவ்வொரு வெள்ளிக்கிழமையிலும் பாராளுமன்றப் படிக்கட்டுக்களில் ஒன்றுகூடும் சிறு குழுவினர், கடந்த மார்ச் மாதம் 15 ஆம் திகதி பயங்கரவாதத் தாக்குதலில் உயிரிழந்த 51 முஸ்லிம்களை நினைவுகூரும் வகையில் கிரிஸ்ட்சேர்ச் வீதியில் நடந்து செல்கின்றனர்.
பாராளுமன்றப் படிக்கட்டுக்களில் ஒன்றுகூடும் அவர்கள் பொவன் வீதிச் சந்திவரை சென்று வைட்டோர் வீதிக்கு இறங்கி பின்னர் கடலோரமாக நடந்து வந்து டீயி பபாவினை நோக்கி செல்கின்றனர்.
அவ்விடத்திற்கு அவர்கள் வந்து சேர்ந்ததும் 51 நிமிடங்கள் தமது தலைகளைத் தாழ்த்தி மௌனமாக அஞ்சலி செலுத்துவர். மார்ச் மாதம் 15 ஆம் திகதி கிரிஸ்ட்சேர்ச் பள்ளிவாசலில் கொல்லப்பட்ட 51 பேருக்கும் ஒருவருக்கு ஒரு நிமிடம் என்ற அடிப்படையில் அஞ்சலி செலுத்துகின்றனர்.
மக்கள் எம்மோடு வந்து இணைந்து கொள்கின்றார்கள். ஏனென்றால் வரவேற்பு வழங்கும் நாடாக இருப்பதை, வரவேற்கும் சமூகமாக இருப்பதை அவர்கள் நம்புகிறார்கள் என நடைபவனியில் ஈடுபடும் பீட்டர் ஸ்கொட் தெரிவித்தார்.
‘என்னைப் பொறுத்தவரை, இது கிறிஸ்ட்சர்ச்சிற்குப் பிறகு அதிகம் சொல்லப்பட்ட அந்த முக்கியமான செய்தியை சொல்கிறது: அது நாங்கள் அல்ல. என்ற செய்தியே அதுவாகும்’ எனவும் அவர் தெரிவித்தார்.இந்த நடை பவனி கடந்த மார்ச் மாதம் 22 ஆந் திகதி ஆரம்பிக்கப்பட்டது, 51 வாரங்களுக்கு இது தொடரும். – கிரிஸ்ட்சேர்ச் பள்ளிவாசலில் கொல்லப்பட்ட 51 பேருக்கும் ஒருவருக்கு ஒரு வாரம் என்ற அடிப்படையில் இந்த நடை பவனி இம்பெறுகின்றது.
நினைவுகூரல் நடைபவனி என்ற பதாதையுடன் செல்லும் இவர்கள், குறித்த நடைபவனி முடிவடைந்ததும் மக்களிடம் தமது சிந்தனைகளையும் பிரதிபலிப்புக்களையும் குறிப்பிடுமாறு கோருகின்றனர்.
எதிர்வரும் வெள்ளிக்கிழமை திட்டமிடப்படவுள்ள இவ்வார நடை பவனி திட்டமிடப்பட்டுள்ள 51 நடைபவனிகளுள் 26 ஆவதாகும். எம்மோடு நடைபவனியில் ஈடுபடும் மக்கள் உயிரிழந்தோரையும் அவர்களது குடும்பத்தினரையும் தொடர்ந்து ஞாபகத்தில் வைத்திருக்க வேண்டும் என்றே விரும்புகின்றனர் என நடைபவனி ஆரம்பிக்கப்பட்டதிலிருந்து தொடராகக் கலந்துகொண்டுள்ள ஜென்னி வூட்லி ஹிக்கின்ஸ் தெரிவித்தார். சம்பவத்தினையடுத்து அனைவரும் அதிர்ச்சிக்குள்ளாகினர். நாம் ஒரு தேசத்து மக்கள் என்ற வகையில் எம்மைப்பற்றிப் பேசிக்கொள்கின்றோம். நாம் அனைத்து விடயங்களையும் பற்றிப் பேசுகின்றோம் ஆனால் சிலர் இந்த உணர்வே இல்லாமலிருக்கின்றனர் எனவும் அவர் தெரிவித்தார்.
பயங்கரவாதியான பிரெண்டன் ஹரிஸன் டரென்ட் அல்நூர் மற்றும் லின்வூட் ஆகிய பள்ளிவாசல்களை இலக்குவைத்து கடந்த மார்ச் 15 ஆந் திகதி மேற்கொண்ட தாக்குதலில் 51 முஸ்லிம்கள் கொல்லப்பட்டனர்.
நியூசிலாந்தில் இஸ்லாம் மொத்த மக்கள் தொகையில் சுமார் 1 வீதத்தினரால் பின்பற்றப்படுகிறது. நியூசிலாந்தில் 1900 களின் முற்பகுதியிலிருந்து 1960 கள் வரை தெற்காசியா மற்றும் கிழக்கு ஐரோப்பாவிலிருந்து குறைந்த எண்ணிக்கையிலான முஸ்லிம்கள் குடியேறினர்.
பெரியளவிலான முஸ்லிம் குடியேற்றம் 1970களில் பிஜி இந்தியர்களின் வருகையுடன் தொடங்கியது, 1990களில் பல்வேறு போர்களினால் பாதிக்கப்பட்ட நாடுகளைச் சேர்ந்த அகதிகள் வந்து சேர்ந்தனர். முதல் இஸ்லாமிய மத்திய நிலையம் 1959 இல் திறக்கப்பட்டது, தற்போது பல பள்ளிவாசல்களும் மற்றும் இரண்டு இஸ்லாமியப் பாடசாலைகளும் காணப்படுகின்றன.
vidivelli