ஹிஜ்ரி 1441 இஸ்லாமிய புத்தாண்டு பிறப்புக்கான முஹர்ரம் மாதத் தலைப்பிறை பற்றித் தீர்மானிக்கும் மாநாடு நாளை சனிக்கிழமை மாலை மஃரிப் தொழுகையைத் தொடர்ந்து கொழும்பு பெரிய பள்ளிவாசலில் இடம்பெறவுள்ளது.
மௌலவி ஜே.அப்துல் ஹமீத் (பஹ்ஜி) தலைமையில் நடைபெறும் மேற்படி மாநாட்டில், கொழும்பு பெரிய பள்ளிவாசல் நிருவாகிகள், பிறைக்குழு உறுப்பினர்கள், அகில இலங்கை ஜம்இய்யத்துல் உலமாவின் பிறைக்குழு உறுப்பினர்கள், முஸ்லிம் சமய பண்பாட்டலுவல்கள் திணைக்கள அதிகாரிகள், மேமன் ஹனபி பள்ளிவாசல் பிரதிநிதிகள் ஆகியோர் கலந்துகொள்ளவுள்ளனர்.
குறித்த தினத்தில் தலைப்பிறையைக் கண்டவர்கள் 011 2432110, 077 7140939, 077 7316415 ஆகிய தொலைபேசிகள் ஒன்றுடன் தொடர்பு கொண்டு அறிவிக்கும்படி கேட்கப்படுகின்றனர்.
மேற்படி மாநாட்டில் தலைப்பிறை குறித்து ஏகமனதாக எடுக்கப்படும் தீர்மானம் இலங்கை ஒலிபரப்புக் கூட்டுத்தாபன முஸ்லிம் சேவையிலும் இதர ஊடகங்களிலும் மாநாட்டுத் தலைவரினால் உத்தியோக பூர்வமாக வெளியிடப்படும் என்று கொழும்பு பெரிய பள்ளிவாசல் பொதுச்செயலாளர் பாரிஸ் பஹ்மி தெரிவித்துள்ளார்.
vidivelli