கட்சி மாறியுள்ள மஹிந்த ராஜபக் ஷவின் பாராளுமன்ற உறுப்புரிமை கேள்விக்குறி
சபையில் முறையிடுவோம் : முஜிபுர் ரஹ்மான்
எதிர்க்கட்சித் தலைவர் மஹிந்த ராஜபக் ஷ பொதுஜன பெரமுனவின் தலைமைப் பதவியை ஏற்று கட்சி மாறியுள்ளார். அவர் ஐக்கிய மக்கள் சுதந்திரக் கூட்டமைப்பின் சார்பில் போட்டியிட்டே பாராளுமன்ற உறுப்பினர் பதவியைப் பெற்றார். இந்நிலையில் அவரது கட்சி மாற்றத்தினால் அவரது உறுப்புரிமை சவாலுக்குள்ளாகியுள்ளது.
இது தொடர்பாக அடுத்த பாராளுமன்ற அமர்வில் முறைப்பாடொன்றை முன்வைக்கவுள்ளதாக ஐக்கிய தேசியக் கட்சியின் பாராளுமன்ற உறுப்பினர் முஜிபுர் ரஹ்மான் தெரிவித்துள்ளார்.
மஹிந்த ராஜபக் ஷவின் கட்சி மாற்றம் தொடர்பில் கருத்து தெரிவிக்கையிலேயே பாராளுமன்ற உறுப்பினர் முஜிபுர் ரஹ்மான் இவ்வாறு கூறினார்.
அவர் தொடர்ந்தும் கருத்து தெரிவிக்கையில்; ‘எதிர்க்கட்சி தலைவர் மஹிந்த ராஜபக் ஷ கடந்த பொதுத் தேர்தலில் ஐக்கிய மக்கள் சுதந்திரக் கூட்டமைப்பின் சார்பில் போட்டியிட்டே பாராளுமன்றுக்குத் தெரிவானார். அக்கூட்டமைப்பின் சார்பாகவே எதிர்க்கட்சி தலைமைப் பதவியையும் பெற்றுக் கொண்டார். தற்போது பாராளுமன்றத்தைப் பிரதிநிதித்துவப்படுத்தாக கட்சியொன்றின் தலைமைப் பொறுப்பினை ஏற்றுக் கொண்டுள்ளார். இந்நிலையில் பாராளுமன்ற சம்பிரதாயங்களின் பிரகாரம் மஹிந்த ராஜபக் ஷ எதிர்க் கட்சித் தலைவர் பதவியை தொடர்ந்தும் வகிப்பதற்கு சட்ட பூர்வமாக இடமிருக்கிறதா? என்பதை சபாநாயகர் அறிவிக்க வேண்டும்’ எனத் தெரிவித்துள்ளார்.
vidivelli