4/21 தாக்குதலில் பாதிக்கப்பட்ட குடும்பங்களுக்கு நிவாரணம் வழங்க முஸ்லிம் லீக் 5 மில்லியன் டொலர் அன்பளிப்பு
உயிர்த்த ஞாயிறு தற்கொலைக் குண்டுத்தாக்குதல்களில் பாதிக்கப்பட்டவர்களுக்கும், அவர்களது குடும்பத்தினருக்கும் நிவாரணங்களை வழங்குவதற்காக இலங்கைக்கு 5 மில்லியன் டொலர்கள் உதவியாக வழங்கவுள்ளதாக உலக முஸ்லிம் லீக்கின் செயலாளர் கலாநிதி ஷேக் மொகமட் பின் அப்துல் கரீம் அல்ஈசா தெரிவித்துள்ளார். மேல் மாகாண ஆளுநர் காரியாலயமும், முஸ்லிம் சமய விவகார அமைச்சும் இணைந்து நேற்று முன்தினம் கொழும்பு தாமரைத் தடாக கேட்போர் கூடத்தில் ஏற்பாடு செய்திருந்த சமாதானம், அமைதி, சகவாழ்வு தொடர்பான மாநாட்டில் கலந்து கொண்டு உரை நிகழ்த்துகையிலேயே அவர் இவ்வாறு கூறினார். ஜனாதிபதி மைத்திரிபால சிறிசேனவின் தலைமையில் நடைபெற்ற இம்மாநாட்டில் எதிர்க்கட்சித்தலைவர் மஹிந்த ராஜபக் ஷ, முன்னாள் ஜனாதிபதி சந்திரிக்கா குமாரதுங்க, அமைச்சர்கள், பாராளுமன்ற உறுப்பினர்கள், மேல் மாகாண ஆளுநர் ஏ.ஜே.எம்.முஸம்மில், மூவின மதத்தலைவர்கள், அகில இலங்கை ஜம்இய்யத்துல் உலமா சபையின் தலைவர் எம்.ஐ.எம்.ரிஸ்வி முப்தி, வெளிநாட்டுத் தூதுவர்கள், புத்திஜீவிகள் என பலரும் கலந்து கொண்டிருந்தனர்.
ஏ.ஆர்.ஏ.பரீல்
vidivelli