நோன்புப் நெருநாள் தினமான ஷவ்வால் மாதத்திற்கான தலைப்பிறையைத் தீர்மானிக்கும் மாநாடு நாளை செவ்வாய்க்கிழமை மஃரிப் தொழுகையைத் தொடர்ந்து கொழும்பு பெரியபள்ளிவாசலில் இடம்பெறவுள்ளது.
மேற்படி பள்ளிவாசலின் நிருவாகிகள், பிறைக்குழு உறுப்பினர்கள், அகில இலங்கை ஜம்இய்யத்துல் உலமாவின் பிறைக்குழு உறுப்பினர்கள், முஸ்லிம் சமய பண்பாட்டலுவல்கள் திணைக்கள அதிகாரிகள், மேமன், ஹனபி பள்ளிவாசல் நிருவாகிகள் ஆகியோர் மெளலவி அப்துல் ஹமீத் பஹ்ஜியின் தலைமையில் தலைப்பிறையைத் தீர்மானிக்கும் மாநாட்டில் கலந்து கொள்ளவுள்ளனர்.
குறித்த தினம் தலைப்பிறையைக் கண்டவர்கள் 011 2432110, 077 7140939, 077 7316415 ஆகிய தொலைபேசி இலக்கங்களுடன் தொடர்பு கொண்டு அறிவிக்கும்படி கேட்கப்படுகின்றனர்.
மேற்படி மாநாட்டில் எடுக்கப்படும் தீர்மானம் இலங்கை ஒலிபரப்புக் கூட்டுத்தாபன முஸ்லிம் சேவையூடாகவும் ஏனைய ஊடகங்கள் மூலமாகவும் மாநாட்டுத் தலைவரினால் உத்தியோகபூர்வமாக அறிவிக்கப்படும். தலைப்பிறை தொடர்பாக ஊர்ஜிதமற்ற தகவல்களையோ வதந்திகளையோ பகிரப்படுவதைத் தவிர்க்குமாறும் மக்கள் கேட்கப்படுகின்றனர்.
-Vidivelli