முஸ்லிம் பெண்களின் ஆடை விவகாரம் ; இஸ்­லா­மிய மதத்­த­லை­வர்­க­ளி­னா­லேயே தீர்­மா­ன­மொன்று எடுக்­கப்­பட வேண்டும்

முஸ்லிம் பெண்­களின் ஆடை தொடர்பாக ஏற்­பட்­டுள்ள எதிர்ப்­பு­களை இல்­லாது செய்ய வேண்­டு­மென்றால் இஸ்­லா­மிய மதத் தலை­வர்க­ளினால் அதற்குத் தேவையான வேலைத்­திட்­டங்­களை முன்­னெ­டுக்க வேண்டும். இதனை சட்­டத்தின் ஊடாக செய்ய வேண்டியதில்லை என நீதி மற்றும் சிறைச்சாலைகள் மறுசீரமைப்பு அமைச்சர் தலதா அத்­து­கோ­ரள தெரி­வித்தார்.

முஸ்லிம் பெண்கள் அணியும் ஆடை தொடர்­பாக எழுந்­தி­ருக்கும் சர்ச்சை குறித்து கருத்து தெரி­விக்­கை­யி­லேயே இவ்­வாறு குறிப்­பி­டடார்.
இது­தொ­டர்­பாக அவர் தொடர்ந்து தெரி­விக்­கையில், நாங்கள் அர­சாங்கம் என்ற வகையில் சகல இனங்­களும் ஒற்­று­மை­யுடன் வாழ வேண்­டு­மென்­ப­த­னையே எண்­ணு­கின்றோம். இன்று நாட்டில் சட்­டங்­க­ளுக்குள் ஒவ்­வொரு இனங்­க­ளுக்­கி­டையே சட்­டங்கள் ஏற்­ப­டுத்­தப்­பட்­டுள்ள கார­ணத்­தி­னா­லேயே பிரச்­சி­னைகள் ஏற்­ப­டு­கின்­றன. பொது சட்­ட­மொன்று இருக்­கின்­றது. ஆனாலும் முஸ்லிம் மக்­க­ளுக்கும், சிங்­க­ளத்தில் மலை­நாட்டில் பிறந்­த­வர்­க­ளுக்கும் என்று சட்­டங்கள் இருக்­கின்­றன. சட்­டங்­களில் சில விட­யங்கள் மற்­றைய இனங்­க­ளுக்குப் பொருந்­து­வ­தில்லை. கலா­சார அடிப்­ப­டையில் அந்த சட்­டங்கள் உரு­வா­கின்­றன. நாங்கள் ஒரே நாடு என்ற வகையில் வாழும்­போது எல்­லோ­ருக்கும் ஒரே சட்­ட­மாக இருக்க வேண்டும்.

திரு­மண சட்­டத்தை எடுத்­துக்­கொண்டால் பொது­வாக திரு­மணம் மற்றும் விவா­க­ரத்து தொடர்­பாக சட்டம் இருக்­கின்­றது. ஆனால் முஸ்லிம் தனியார் சட்­டத்­திற்குள் திரு­மணம் மற்றும் விவா­க­ரத்து தொடர்­பாக வேறு ஒரு சட்டம் இருக்­கின்­றது. அவ்­வி­டத்­தி­லேயே நாங்கள் பிரிந்தே இருக்­கின்றோம். 2009ஆம் ஆண்டு இஸ்­லா­மிய திரு­மண சட்டம் தொடர்­பாக திருத்தம் மேற்­கொள்ள மிலிந்த மொர­கொட தலை­மையில் குழு­வொன்று அமைக்­கப்­பட்­டது. அந்த குழுவின் 16 பேருக்கும் அது தொடர்­பாக ஓர் இணக்­கப்­பாட்­டுக்கு வர முடி­யாது போயுள்­ளது. நாங்கள் பொது சட்­டத்தை கொண்­டு­வர சக­லரின் ஒத்­து­ழைப்பும் அவ­சி­ய­மாக இருக்­கின்­றது.

அத்­தோடு பாது­காப்பு தரப்­பி­னரால் முஸ்லிம் பெண்­களின் ஆடைகள் தொடர்­பாக கோரிக்­கைகள் இருக்­கின்­றன. இது தொடர்­பாக இஸ்­லா­மிய தலை­வர்­க­ளுடன் கலந்­து­ரை­யா­டி­யுள்ளோம். பெண்கள் என்ற வகையில் அவர்­களின் உரி­மைகள் மீறப்­ப­டு­வ­துடன் இந்த உடை­களால் பெரும் அசௌ­க­ரிய நிலைக்கும் தள்­ளப்­ப­டு­கின்­றனர். இந்த உடைகள் தொடர்­பாக சில இடங்­களில் பொய்­யான பிர­சா­ரங்­களும் முன்­னெ­டுக்­கப்­ப­டு­கின்­றன. இந்­நி­லையில் சமூ­கத்தில் ஏற்­பட்­டுள்ள எதிர்ப்­பு­களை இல்­லாது செய்ய வேண்­டு­மென்றால் முஸ்லிம் மதத் தலை­வர்­க­ளினால் அதற்குத் தேவை­யான வேலைத்­திட்­டங்­களை முன்­னெ­டுக்க வேண்டும். மறு­பக்­கத்தில் முகத்தை மூடி ஆடை அணி­வது நாட்டின் பாது­காப்­புக்கு அச்­சு­றுத்­த­லா­கவும் இருக்­கின்­றது. இதனை சட்­டத்தின் ஊடாக செய்ய வேண்­டி­ய­தில்லை.

அதனால் இது தொடர்­பாக சகல கட்­சி­களும் ஒன்­றி­ணைந்து வேலைத்­திட்­டத்தை முன்­னெ­டுக்க வேண்டும். சபாநாயகரின் தலைமையில் இதனை மேற்கொள்ள நடவடிக்கை எடுத்து வருகின்றோம். சிலர் தமது கலாசாரத்திற்கு ஏற்படும் பாதிப்புகள் தொடர்பாக சிந்தித்து செயற்படுவார்களாக இருந்தால் தனியான சட்டங்கள் அவசியமில்லை. நாங்கள் எல்லோரும் ஒரே நாட்டவர்கள் என்ற வகையில் செயற்படவேண்டும் என்றார்.

vidivelli