கொழும்பு கொச்சிக்கடை புனித அந்தோனியார் தேவாலயம், நீர்கொழும்பு கட்டுவப்பிட்டி புனித செபஸ்தியான் தேவாலயம், மட்டக்களப்பு சியோன் தேவாலயம் என்பனவும் கொழும்பு நகரில் சங்கிரில்லா, சினமன் கிரான்ட், கிங்ஸ்பரி, நட்சத்திர ஹோட்டல்களும் பயங்கரவாத தாக்குதல்களுக்குள்ளான செய்தியை செவிமடுத்த ஐக்கிய தௌஹீத் ஜமாஅத் பேரதிர்ச்சிக்கு உள்ளாகியுள்ளது.
நாட்டினதும் நாட்டு மக்களினதும் இயல்பு வாழ்க்கை அமைதியான முறையில் சுழன்று கொண்டிருந்த வேளையில் பாரியதொரு சதி முயற்சியால் நாடு சிக்கி தவிக்க வேண்டியேற்பட்டதையிட்டு ஐக்கிய தௌஹீத் ஜமாஅத் ஆழ்ந்த அனுதாபத்தையும் கவலையையும் தெரிவித்துக்கொள்கிறது. இவ்வாறான சதி நாசகார வேலைகளில் ஈடுபட்டு நாட்டை குட்டிச்சுவராக்கி சீரழிக்க முயற்சிக்கின்றவர்களை இனங்கண்டு தகுந்த நடவடிக்கைகளை முன்னெடுத்து உரிய சட்ட நடவடிக்கைகளை மேற்கொள்ளுமாறு அரசையும் பாதுகாப்பு பிரிவையும் வேண்டிக்கொள்கிறோம்.
சம்பவங்களின் பொழுது பாதிக்கப்பட்டவர்களின் குடும்பங்களுக்கு ஆழ்ந்த அனுதாபத்தை தெரிவித்துக்கொள்வதுடன் காட்டுமிராண்டித்தனமான இப்பயங்கரவாத தாக்குதல்களை ஐக்கிய தௌஹீத் ஜமாஅத் வன்மையாகக் கண்டிக்கின்றது.
vidivelli