நியூஸிலாந்தில் துப்பாக்கிகளுக்கான புதிய சட்டத்திற்கு பாராளுமன்றம் அங்கீகாரம் வழங்கியதை அடுத்து பல்லாயிரக்கணக்கான துப்பாக்கிகள் மீளப் பெற்றுக்கொள்ளப்படும் என எதிர்பார்ப்பதாக நியூஸிலாந்து பொலிஸார் தெரிவித்துள்ளனர்.
நியூஸிலாந்தில் துப்பாக்கிகள் வைத்திருப்பதற்கான புதிய சட்டம் குறித்து பாராளுமன்றில் வாக்கெடுப்பு நடத்தப்பட்டு அனைத்து வகையான அரை தானியங்கித் துப்பாக்கிகளையும் தடை செய்வதற்கான அங்கீகாரம் பெறப்பட்டது.
இந்நிலையில் குறித்த தடைச் சட்டம் சில நாட்களில் அமுலுக்கு வரவிருக்கும் நிலையில் பொலிஸார் இதனை அறிவித்துள்ளனர்.
நியூஸிலாந்தில் கிறிஸ்ட்சர்ச் நகரில் உள்ள அந்நூர் பள்ளிவாசல் மற்றும் லின்வூட் பகுதியில் உள்ள பள்ளிவாசல் ஆகியவற்றில் கடந்த மாதம் முஸ்லிம்கள் தொழுகையில் ஈடுபட்டிருந்த போது அங்கு சென்ற மர்ம நபர் துப்பாக்கியால் கண் மூடித்தனமாக சுட்டதில் 50 பேர் உயிரிழந்தனர்.
உலகையே அதிர்ச்சிக்குள்ளாக்கிய இந்த சம்பவத்தின் முக்கிய தாக்குதல்தாரியான பிரெண்டன் டொரன்ட் கைதுசெய்யப்பட்டு அவரிடம் விசாரணையும் இடம்பெற்று வருகிறது.
இந்நிலையில் நேற்று ஊடகங்களுக்கு கருத்து தெரிவித்த பிரதி பொலிஸ் ஆணையர் மைக்கேல் கிளெமெண்ட், நியூஸிலாந்தில் துப்பாக்கிகளை பதிவு செய்வதற்கு மக்களுக்கு எந்த சட்டமும் இல்லை. ஆகையால் எத்தனை துப்பாக்கிகளை மீண்டும் கையளிப்பார்கள் என்பதில் தாங்கள் உறுதியாக இல்லை என்றும் கூறினார்.
நியூஸிலாந்தில் துப்பாக்கிகள் வைத்திருப்பதற்கான புதிய சட்டம் குறித்து பாராளுமன்றில் வாக்கெடுப்பு நடத்தப்பட்டு அனைத்து வகையான அரை தானியங்கித் துப்பாக்கிகளையும் தடை செய்வதற்கான அங்கீகாரம் பெறப்பட்டுள்ளது.
இந்நிலையில் ஆளுநரின் ஒப்புதலின் பின்னர் இன்னும் சில நாட்களில் இந்த சட்டம் அமுலுக்கு வரவுள்ளமை குறிப்பிடத்தக்கது.
-Vidivelli