நைகர் மற்றும் நைகர் குடியரசுக்கிடையே காணப்படும் இராணுவத்தளம் மீது போகோ ஹராம் மேற்கொண்ட பயங்கரவாதத் தாக்குதலை முறியடித்த மேற்கு ஆபிரிக்க பிராந்தியப் படையினர் தம்மோடு இடம்பெற்ற இரு நேரடி மோதல்களில் 50 இற்கும் குறையாத போகோ ஹராம் கிளர்ச்சிக்காரர்கள் கடந்த சனிக்கிழமை கொல்லப்பட்டதாகத் தெரிவித்தனர்.
நைகர் குடியரசின் பிபாவிலிருந்து 30 கிலோமீற்றர் தொலைவில் அமைந்துள்ள பகுதியிலுள்ள குயெஸ்கெரோஉ பகுதியில் அமைந்துள்ள படையினர் நிலைகொண்டுள்ள பகுதியில் அவர்கள் மேற்கொண்ட தாக்குதலின் போது 27 கிளர்ச்சிக்காரர்கள் கொல்லப்பட்டதாக கடந்த ஞாயிற்றுக்கிழமை அறிக்கையொன்றினை வெளியிட்ட பிராந்திய இராணுவத்தின் பேச்சாளர் டிமோதி அன்டிக்ஹா தெரிவித்தார்.
இராணுவத்தினர் கிளர்ச்சிக்காரர்களுக்கு சொந்தமான இரண்டு துப்பாக்கி ட்ரக் வண்டிகளை தாக்கியழித்ததாகவும், உபகரணங்கள் பலவும், ஆயுதங்கள், வெடிபொருட்கள் என்பனவும் கைப்பற்றப்பட்டதாகவும் அவர் அந்த அறிக்கையில் தெரிவித்துள்ளார்.
இது தவிர 20 ரைபிள்கள், மூன்று இயந்திரத் துப்பாக்கிகள் மற்றும் ஏழு துப்பாக்கி ட்ரக் வண்டிகள் உள்ளிட்ட பெருந்தொகை ஆயுதங்கள் தாக்கியழிக்கப்பட்ட போது அல்லது கைப்பற்றப்பட்டபோது வடகிழக்கு போனோ மாநிலத்தின் மல்லம் படோரி பிரதேசத்தில் படையினருடன் இடம்பெற்ற நேரடி மோதலின் போது மேலும் 23 பேர் கொல்லப்பட்டதாகவும் அன்டிக்ஹா தெரிவித்தார்.
-Vidivelli