இவ்வருடம் ஹஜ் கடமைக்காக முஸ்லிம் சமய பண்பாட்டலுவல்கள் திணைக்களத்தினால் தெரிவு செய்யப்பட்டு QR குறியீடு பெற்றுக்கொண்டுள்ள ஹஜ் விண்ணப்பதாரிகள் எதிர்வரும் 25 ஆம் திகதிக்கு முன்பு ஹஜ் முகவர் நிலையமொன்றினைத் தேர்ந்தெடுத்து தங்களது பயணத்தை உறுதி செய்து கொள்ள வேண்டும் என அரச ஹஜ் குழு வேண்டுகோள் விடுத்துள்ளது.
ஹஜ் முகவர்களைத் தெரிவு செய்துகொள்ளும் போது வழங்கப்படும் சேவைகள், சவூதி அரேபியாவில் வழங்கப்படும் ஹோட்டல் வசதிகள் என்பன தொடர்பில் ஒப்பந்தமொன்றினைச் செய்து கொள்ளுமாறும் வேண்டப்பட்டுள்ளனர்.
ஹஜ் யாத்திரைக்கு தெரிவு செய்யப்பட்டுள்ள விண்ணப்பதாரிகள் முகவர் நிலையங்களில் தங்கள் பயணத்தை உறுதி செய்யத் தவறும் நிலையில் பயணத்துக்காகக் காத்திருக்கும் பட்டியலில் இருக்கும் விண்ணப்பதாரிகள் மூலம் வெற்றிடங்கள் நிரப்பப்படும் எனவும் அரச ஹஜ் குழு தெரிவித்துள்ளது.
-Vidivelli