புராதன சின்னங்கள் அமைந்துள்ள தொல்பொருள் பிரதேசங்களில் முஸ்லிம் மாணவர்கள் நடந்துக்க கொண்ட முறையினை தாம் வன்மையாக கண்டிப்பதாகத் தெரிவித்துள்ள அகில இலங்கை ஜம்இய்யத்துல் உலமா சபை, இவ்வாறான உங்களில் நடந்துக் கொள்ள வேண்டிய முறைகள் பற்றி உலமாக்கள், பெற்றோர்கள், கதீப்மார்கள், புத்திஜீவிகள் மற்றும் பாடசாலை ஆசிரியர்கள் என்போர் சமூகத்துக்கு தெளிவுகளை வழங்க வேண்டும் என வேண்டுகோள் விடுத்துள்ளது.
அண்மையில் முஸ்லிம் மாணவர்கள் புராதன பௌத்த தூபிகள் மீதேறி புகைப்படம் எடுத்துக்கொண்ட இரு சம்பவங்கள் பதிவாகி சட்டத்தின் முன் நிறுத்தப்பட்டுள்ளமை தொடர்பில் வெளியிட்டுள்ள ஊடக அறிக்கையிலேயே இவ்வாறு தெரிவித்துள்ளது.
அகில இலங்கை ஜம்இய்யத்துல் உலமா சபையின் பொதுச்செயலாளர் அஷ்ஷெய்க் எம்.எம்.ஏ.முபாறக் கையொப்பமிட்டு வெளியிட்டுள்ள அறிக்கையில் மேலும் தெரிவிக்கப்பட்டுள்ளதாவது,
‘பல்லின மக்கள் வாழ்ந்து வரும் இந்நாட்டில் ஒவ்வொரு இனத்திற்குமான தனித்துவங்களும், வேறுபட்ட கலாசாரங்களும் இருந்து வருவதை நாம் காண்கிறோம். அவ்வாறான தனித்துவங்களைப் பேணிப் பாதுகாப்பதில் ஒவ்வொரு இனத்தவரும் கரிசனை செலுத்தி வருகின்றனர். இது ஒவ்வொருவரினதும் உரிமையாகும்.
அரசாங்கம் வரலாற்றை நிரூபிக்கும் சின்னங்களாக சில இடங்களை அடையாளப்படுத்தி புராதன சின்னங்களாகப் பாதுகாத்துவருகிறது. இவ்வாறான இடங்களில் நடந்துகொள்ள வேண்டிய முறைகளை எமது இளைஞர்கள் சிலர் பேணத்தவறிய இரு சம்பவங்கள் அண்மையில் இடம்பெற்றுள்ளன. இவ்வாறான செயல்கள் மாற்று மத சகோதரர்களால் இனவாத செயற்பாடுகளாக நோக்கப்படுகிறது. இதனால் அனைத்து முஸ்லிம்களும் பாதிப்புக்குள்ளாகின்றனர். இவ்விடயங்களை உலமா சபை வன்மையாகக் கண்டிக்கிறது.
அனைத்து இனங்களின் தனித்துவ விடயங்கள் தொடர்பாகவும், நாட்டின் புராதன சின்னங்கள் தொடர்பாகவும் அவ்வாறான இடங்களுக்குச் செல்லும்போது நடந்து கொள்ள வேண்டிய முறைகள் பற்றியும் எமது சமூகத்தவருக்கு தெளிவுகளை வழங்குவது அவசியமாகும். எமது வாலிபர்களுக்கு இது தொடர்பில் தெளிவூட்டல்களை வழங்கவேண்டும். இது விடயத்தில் சமூகத்தை வழி நடத்துபவர்கள், பெற்றோர், உலமாக்கள், கதீப்மார்கள், புத்திஜீவிகள், அதிபர்கள் அனைவரும் கவனம் செலுத்த வேண்டும் என உலமா சபை கோருகிறது.
சுற்றுலாக்களை மேற்கொள்ளும் பாடசாலை மாணவர்கள் உட்பட அனைவரும் இவ்வாறான இடங்களை தரிசிக்கின்றபோது அவ்விடங்களில் நடந்து கொள்ளும் முறைபற்றி அறிந்து செயற்படவேண்டும்.
மேலும் புராதன சின்னங்கள் என அடையாளம் காணப்பட்டுள்ள இடங்களில் நடந்துகொள்ள வேண்டிய முறை தொடர்பான அறிவுறுத்தல் உள்ளடங்கிய பலகைகள் மும்மொழிகளிலும் காட்சிப்படுத்தப்பட வேண்டும் என உரிய அதிகாரிகளிடம் உலமா சபை வேண்டுகோள் விடுக்கிறது எனவும் குறிப்பிடப்பட்டுள்ளது.அண்மையில் முஸ்லிம் மாணவர்கள் புராதன பௌத்த தூபிகள் மீதேறி புகைப்படம் எடுத்துக்கொண்ட இரு சம்பவங்கள் பதிவாகி சட்டத்தின் முன் நிறுத்தப்பட்டுள்ளமை தொடர்பில் வெளியிட்டுள்ள ஊடக அறிக்கையிலேயே இவ்வாறு தெரிவித்துள்ளது.
அகில இலங்கை ஜம்இய்யத்துல் உலமா சபையின் பொதுச்செயலாளர் அஷ்ஷெய்க் எம்.எம்.ஏ.முபாறக் கையொப்பமிட்டு வெளியிட்டுள்ள அறிக்கையில் மேலும் தெரிவிக்கப்பட்டுள்ளதாவது,
‘பல்லின மக்கள் வாழ்ந்து வரும் இந்நாட்டில் ஒவ்வொரு இனத்திற்குமான தனித்துவங்களும், வேறுபட்ட கலாசாரங்களும் இருந்து வருவதை நாம் காண்கிறோம். அவ்வாறான தனித்துவங்களைப் பேணிப் பாதுகாப்பதில் ஒவ்வொரு இனத்தவரும் கரிசனை செலுத்தி வருகின்றனர். இது ஒவ்வொருவரினதும் உரிமையாகும்.
அரசாங்கம் வரலாற்றை நிரூபிக்கும் சின்னங்களாக சில இடங்களை அடையாளப்படுத்தி புராதன சின்னங்களாகப் பாதுகாத்துவருகிறது. இவ்வாறான இடங்களில் நடந்துகொள்ள வேண்டிய முறைகளை எமது இளைஞர்கள் சிலர் பேணத்தவறிய இரு சம்பவங்கள் அண்மையில் இடம்பெற்றுள்ளன. இவ்வாறான செயல்கள் மாற்று மத சகோதரர்களால் இனவாத செயற்பாடுகளாக நோக்கப்படுகிறது. இதனால் அனைத்து முஸ்லிம்களும் பாதிப்புக்குள்ளாகின்றனர். இவ்விடயங்களை உலமா சபை வன்மையாகக் கண்டிக்கிறது.
அனைத்து இனங்களின் தனித்துவ விடயங்கள் தொடர்பாகவும், நாட்டின் புராதன சின்னங்கள் தொடர்பாகவும் அவ்வாறான இடங்களுக்குச் செல்லும்போது நடந்து கொள்ள வேண்டிய முறைகள் பற்றியும் எமது சமூகத்தவருக்கு தெளிவுகளை வழங்குவது அவசியமாகும். எமது வாலிபர்களுக்கு இது தொடர்பில் தெளிவூட்டல்களை வழங்கவேண்டும். இது விடயத்தில் சமூகத்தை வழி நடத்துபவர்கள், பெற்றோர், உலமாக்கள், கதீப்மார்கள், புத்திஜீவிகள், அதிபர்கள் அனைவரும் கவனம் செலுத்த வேண்டும் என உலமா சபை கோருகிறது.
சுற்றுலாக்களை மேற்கொள்ளும் பாடசாலை மாணவர்கள் உட்பட அனைவரும் இவ்வாறான இடங்களை தரிசிக்கின்றபோது அவ்விடங்களில் நடந்து கொள்ளும் முறைபற்றி அறிந்து செயற்படவேண்டும்.
மேலும் புராதன சின்னங்கள் என அடையாளம் காணப்பட்டுள்ள இடங்களில் நடந்துகொள்ள வேண்டிய முறை தொடர்பான அறிவுறுத்தல் உள்ளடங்கிய பலகைகள் மும்மொழிகளிலும் காட்சிப்படுத்தப்பட வேண்டும் என உரிய அதிகாரிகளிடம் உலமா சபை வேண்டுகோள் விடுக்கிறது எனவும் குறிப்பிடப்பட்டுள்ளது.