ஆக்கிரமிக்கப்பட்ட மேற்குக்கரையில் இரவு வேளையில் மேற்கொள்ளப்பட்ட சுற்றிவளைப்பின் போது 22 பலஸ்தீனர்கள் இஸ்ரேலியப் படையினரால் கைது செய்யப்பட்டதாக இஸ்ரேலிய இராணுவம் கடந்த செவ்வாய்க்கிழமை தெரிவித்தது.
பயங்கரவாத செயற்பாடுகளோடு தொடர்புபட்டிருந்ததன் காரணமாக இவர்கள் கைது செய்யப்பட்டதாக இராணுவத்தினரால் வெளியிடப்பட்ட அறிக்கையில் தெரிவிக்கப்பட்டுள்ளது. எனினும் எவ்வகையான பயங்கரவாதச் செயற்பாடுகளில் அவர்கள் தொடர்பு பட்டிருந்தார்கள் என விபரிக்கப்படவில்லை.
தேடப்படும் பலஸ்தீனர்களை பிடிப்பதற்காக சோதனையிடல் என்ற போர்வையில் ஆக்கிரமிக்கப்பட்ட மேற்குக்கரையில் இஸ்ரேலியப் படையினர் பரவலான கைது நடவடிக்கைகளில் அடிக்கடி ஈடுபட்டு வருகின்றனர். பலஸ்தீனத் தரப்பு எண்ணிக்கையின் பிரகாரம் ஏராளமான பெண்கள் மற்றும் நூற்றுக்கணக்கான சிறுவர்கள் உள்ளடங்கலாக சுமார் 6,400 பலஸ்தீனர்கள் இஸ்ரேலிய சிறை களில் தடுத்து வைக்கப் பட்டுள்ளனர்.
-Vidivelli