கஷோக்ஜி கொலை விவகாரம்: இளவரசர் சல்மானின் வலக்கரமாக செயற்பட்ட உதவிப் பணியாளர் தண்டிக்கப்பட வேண்டும்

வொஷிங்டன் போஸ்ட் பத்தி எழுத்தாளர் ஜமால் கஷோக்ஜியின் கொலை தொடர்பில் குற்றம் சாட்டப்பட்டுள்ள, இளவரசர் மொஹமட் பின் சல்மானின் வலக்கரமாக செயற்பட்ட முன்னாள் உதவிப் பணியாளர் சௌத் அல்-கஹதானி தண்டிக்கப்பட வேண்டும் என அமெரிக்கா சவூதி அரேபியாவிடம் வேண்­டுகோள் விடுத்­துள்­ளது. கடந்த ஒக்­டோபர் 02 ஆம் திகதி இஸ்­தான்­பூலில் அமைந்­துள்ள சவூதி அரே­பிய துணைத் தூர­கத்­தினுள் வைத்து ஊட­க­வி­ய­லாளர் ஜமால் கஷோக்ஜி கொலை செய்­யப்­பட்­டமை தொடர்பில் குற்­றம்­சாட்­டப்­பட்­டுள்ள சௌத் அல்-­க­ஹ­தானி மீதான நட­வ­டிக்­கைக்கு அமெ­ரிக்கா கொடுக்கும் அழுத்­தத்­திற்கு எதி­ரா­கவே தொட­ராக றியாத் செயற்­பட்டு வரு­கின்­றது என சவூதி அரே­பிய மற்றும் அமெ­ரிக்க அதி­கா­ரி­களை மேற்­கோள்­காட்டி வோல் ஸ்ட்ரீட் ஜேர்னல் தகவல் வெளி­யிட்­டுள்­ளது.

அல்-­க­ஹ­தானி சவூதி அரே­பி­யாவின் பட்­டத்­திற்­கு­ரிய இள­வ­ரசர் மொஹமட் பின் சல்­மானின் வலக்­க­ர­மாக செயற்­பட்­டவர். அவர் தற்­போது பதவி நீக்கம் செய்­யப்­பட்­டி­ருந்­தாலும் கூட அரண்­ம­னையின் உத்­தி­யோ­கப்­பற்­றற்ற ஆலோ­ச­க­ராகச் செயற்­பட்டு வரு­கின்றார்.  சௌத் அல்-­க­ஹ­தானி மனச்­சாட்­சி­யுடன் தனது செயற்­பா­டு­களை முன்­னெ­டுப்­பதை எம்மால் அவ­தா­னிக்க முடி­ய­வில்லை என தன்னை அடை­யாளம் காட்ட விரும்­பாத சிரேஷ்ட இரா­ஜாங்க திணைக்­கள அதி­கா­ரி­யொ­ருவர் அந்த நாளி­த­ழுக்கு தெரி­வித்தார்.

கஷோக்ஜி கொலை தொடர்பில் கடந்த டிசம்பர் மாதம் அல்-­க­ஹ­தானி உள்­ளிட்ட 17 சவூதி நாட்­ட­வர்கள் மீது அமெ­ரிக்கா குற்றம் சுமத்­தி­யி­ருந்­தது. துருக்­கியும் அல்-­க­ஹ­தானி நாடு கடத்­தப்­பட வேண்டும் எனக் கோரிக்கை விடுத்­தி­ருந்­தது. சவூதி மன்னர் சல்­மா­னினால் அல்-­க­ஹ­தானி பதவி நீக்கம் செய்­யப்­பட்ட பின்­னரும் சவூதி அரே­பி­யாவின் பட்­டத்­திற்­கு­ரிய இள­வ­ரசர் மொஹமட் பின் சல்­மானின் உத்­தி­யோ­கப்­பற்­றற்ற ஆலோ­ச­க­ராக செயற்­ப­டு­கின்றார் என்­பதை சவூதி அரே­பிய அதி­கா­ரி­யொ­ருவர் வோல் ஸ்ட்ரீட் ஜேர்­ன­லுக்கு உறு­திப்­ப­டுத்­தி­யுள்ளார்.

இக் கொலைக்கு தனிப்­பட்ட ரீதியில் மொஹமட் பின் சல்மான் மீது குற்றம் சுமத்­தப்­பட வேண்டும் என அமெ­ரிக்க நிரு­வாகம் அழுத்தம் கொடுத்­து­வ­ரு­கின்ற போதிலும், அதற்கு எதிர்ப்பு நிலையே காணப்­ப­டு­கின்­றது. கடந்த வெள்­ளிக்­கி­ழமை ஜனாதிபதி டொனால்ட் ட்ரம்ப், பின் சல்மான் மீது குற்றம் சுமத்தப்படுமா இல்லையா என்பது தொடர்பில் பகிரங்கப்படுத்துவதற்கான காங்கிரஸின் இறுதித் திகதியைப் புறக்கணித்திருந்தமை குறிப்பிடத்தக்கது.