இலங்கை ஒலிபரப்புக் கூட்டுத்தாபனத்தின் புதிய செய்திப் பணிப்பாளராக ஜுனைத் எம் ஹாரிஸ் நியமிக்கப்பட்டுள்ளார். நிதி மற்றும் ஊடகத்துறை அமைச்சர் மங்கள சமரவீரவின் பணிப்புரைக்கமைய இந்த நியமனம் வழங்கப்பட்டுள்ளது.
இது தொடர்பான நியமனக் கடிதத்தை இலங்கை ஒலிபரப்புக் கூட்டுத்தாபனத்தின் தலைவர் சிதி பாரூக்கிடமிருந்து ஜுனைத் எம் ஹாரிஸ் கடந்த வியாழக்கிழமை பெற்றுக் கொண்டார்.
புத்தளம் தாராக்குடிவில்லு பிரதேசத்தை பிறப்பிடமாகக் கொண்ட இவர், கொழும்பு பல்கலைக்கழகத்தில் சமூகவியல் துறையில் கலைமாணிப்பட்டத்தைப் பெற்றுள்ளதுடன் சர்வதேச உறவுகள் தொடர்பான கற்கையில் முதுமாணிப் பட்டத்தையும் பெற்றுள்ளார்.
மூன்று மொழிகளிலும் நிபுணத்துவ அறிவுபெற்ற இவர் செய்தி ஊடகவியலில் 15 வருட அனுபவம் பெற்றவராவார். இலங்கை ஒலிபரப்புக் கூட்டுத்தாபனத்தின் பல்வேறு சேவைகளிலும் நிகழ்ச்சிகளைத் தயாரித்து வழங்கிவரும் இவர், இலங்கை ரூபவாஹினிக் கூட்டுத்தாபன நிகழ்ச்சிகளிலும் பங்கேற்று வருகின்றமை குறிப்பிடத்தக்கது.
-Vidivelli