வடக்கு யெமனின் தெற்கு சாதா ஆளுநர் பிரதேச கிலாப் மாவட்டத்தில் அமைந்துள்ள முக்கிய மலைத்தொடர் யெமன் இராணுவத்தினால் ஹெளதிகளிடமிருந்து விடுவிக்கப்பட்டுள்ளதாக சவூதி அரேபிய செய்தி முகவரகம் தெரிவித்துள்ளது.
அல்-மிலான் மலைத் தொடரில் அமைந்துள்ள ஹெளதி இராணுவ மையங்கள் மீது யெமன் இராணுவத்தினர் தாக்குதலொன்றை ஆரம்பித்தனர். அந்த நடவடிக்கை காரணமாக முழு மலைத் தொடரும் விடுவிக்கப்பட்டதாக செப்டெம்பர் நெட் என்ற யெமன் பாதுகாப்பு அமைச்சின் உத்தியோகபூர்வ இணையத்தளத்தில் வெளியிடப்பட்டுள்ள அறிக்கையில் தெரிவிக்கப்பட்டுள்ளது.
இந்த மோதலின்போது, பல கிளர்ச்சியாளர்கள் கொல்லப்பட்டதோடு காயங்களுக்கும் இலக்காகினர். ஒரு தளபதி உள்ளடங்கலாக ஆறுபேர் யெமன் இராணுவத்தினரால் உயிருடன் கைது செய்யப்பட்டனர்.
-Vidivelli