பள்ளியை அகற்றுவதே சுமுக தீர்வை ஏற்படுத்தும்

By vidivelli On Jan 11, 2019

தம்புள்ளை புனித பூமிக்குள் பள்ளிவாசலொன்று இருக்க முடியாது. அங்கிருந்து பள்ளிவாசலை அகற்றுவதன் மூலமே அப்பகுதியில் சுமுகமான நிலையினை உறுதிப்படுத்த முடியும். தம்புள்ளை பள்ளிவாசலை புதிதாக நிர்மாணித்துக் கொள்வதற்கு நிக்கவட்டவன பகுதியில் பன்சலைக்கு சொந்தமான காணியில் 5 ஏக்கர் வேண்டுமென்றாலும் வழங்குவதற்குத் தயாராக இருக்கிறோம் என தம்புள்ளை மேயர் தாலிய ஒபாத தெரிவித்தார்.

தம்புள்ளை பள்ளிவாசல் விவகாரம் தொடர்பில் பள்ளிவாசல் நிர்வாகத்தினருடன் நடாத்தி வரும் பேச்சுவார்த்தைகளின் முன்னேற்றம் பற்றி வினவிய போதே அவர் ‘விடிவெள்ளி’ க்கு இவ்வாறு தெரிவித்தார். அடுத்தகட்ட பேச்சுவார்த்தை எதிர்வரும் வெள்ளிக்கிழமை திட்டமிடப்பட்டுள்ளதாகவும் கூறினார்.

அவர் தொடர்ந்தும் கருத்து தெரிவிக்கையில், எமது நாட்டில் சிங்கள – தமிழ் கலவரங்கள் இடம்பெற்று, அதனிலும் மேலாக யுத்தமொன்று பல அழிவுகள் ஏற்பட்டு விட்டது. முஸ்லிம்களுக்கும் சிங்களவர்களுக்குமிடையில் முரண்பாடுகள் தோன்றி கலவரங்கள் உருவாக இடமளிக்க முடியாது. நான் தம்புள்ளையின் மேயர் என்ற வகையில் பள்ளிவாசல் பிரச்சினையைத் தீர்த்து வைக்க விரும்புகிறேன்.

இந்தப் பிரச்சினை பல வருடங்களாக இழுத்தடிக்கப்பட்டு வருகின்றது. அரசியலும் இதற்குக் காரணமாகும். உண்மையில் தம்புள்ளையில் இருக்கும் பள்ளிவாசல் ஆரம்பத்தில் ஒரு கடையாக இருந்தே உருவாகியுள்ளது. இப்போது அதனை பள்ளிவாசலென்று கூறமுடியாது. தம்புள்ளை நகரில் 7 முஸ்லிம் குடும்பங்களே உள்ளன. ஏனைய முஸ்லிம்கள் வெளியிடங்களைச் சேர்ந்தவர்கள். தம்புள்ளை புனித பூமிக்குள் இருந்து அகற்றப்படும் முஸ்லிம்களுக்கு நஷ்ட ஈடுகளும் வழங்கப்படும்.

நிக்கவட்டவன பகுதியில் பன்சலைக்கு சொந்தமான காணியில் எந்தளவு வேண்டுமென்றாலும் வழங்க முடியும். பள்ளிவாசலை தாம் விரும்பியவாறு தீர்மாணித்துக் கொள்ளமுடியும். புனித பூமிக்குள் பள்ளிவாசல் இருப்பதால் பிரச்சினைகள் உருவாகுவதை நான் விரும்பவில்லை.

இந்தப்பிரச்சினைக்கு எனது பதவிக்காலத்தில் தீர்வு காணப்படவேண்டும் என்பதற்காகவே பள்ளிவாசல் நிர்வாகத்துடன் பேச்சுவார்த்தைகள் நடாத்தி வருகின்றேன் என்றார்.

தம்புள்ளை ஹைரியா ஜும்ஆ பள்ளிவாசல் தலைவர் எம்.ஐ.எம். கியாஸை தொடர்பு கொண்டு இது தொடர்பில் வினவியபோது அவர் பின்வருமாறு பதிலளித்தார். தம்புள்ளை பள்ளிவாசலுக்கு காணி ஒதுக்கித்தருவதாகக் கூறப்படும் நிக்கவட்டவன பகுதி தம்புள்ளையிலிருந்து 18 மைல்களுக்கு அப்பால் இருக்கிறது, அங்கு தற்போது ஜும்ஆ பள்ளியொன்றும் இயங்கி வருகிறது. அப்பகுதியில் சுமார் 600 முஸ்லிம் குடும்பங்கள் இருக்கின்றன. தம்புள்ளையிலிருந்து 18 கிலோமீற்றர்களுக்கப்பால் பள்ளிவாசலை நகர்த்துவது நியாயமற்றது. இறுதியாக அமைச்சர் சம்பிக்க ரணவக்கவின் காலத்தில் புனித பூமி எல்லைக்குள் 20 பர்ச் காணி ஒதுக்கப்பட்டு அதுவும் இழுபறிநிலையில் இருந்தது என்றார்.

தம்புள்ளை ஹைரியா ஜும்ஆ பள்ளிவாசல் 2012 ஆம் ஆண்டு ஏப்ரல் மாதம் 19ஆம் திகதி பெரும்பான்மை இனத்தவர்களால் தாக்கப்பட்டமை குறிப்பிடத்தக்கது. ரங்கிரி ரஜ மகா விகாரையின் தலைமை குரு இதன் பின்னணியில் இருந்தார். அன்றிலிருந்து இதுவரை தம்புள்ளை பள்ளிவாசல் விவகாரம் இழுபறிநிலையில் இருக்கிறது. பள்ளிவாசல் புனித பூமியில் இருக்கக் கூடாது அப்புறப்படுத்தப்பட வேண்டும் என தொடர்ந்தும் அழுத்தம் பிரயோகிக்கப்பட்டு வருகிறது. தம்புள்ளை பள்ளிவாசல் விவகாரம் தொடர்பில் பள்ளிவாசல் நிர்வாகத்தினருடன் நடாத்தி வரும் பேச்சுவார்த்தைகளின் முன்னேற்றம் பற்றி வினவிய போதே அவர் ‘விடிவெள்ளி’ க்கு இவ்வாறு தெரிவித்தார். அடுத்தகட்ட பேச்சுவார்த்தையை இன்று வெள்ளிக்கிழமை நடாத்த திட்டமிடப்பட்டுள்ளதாகவும் கூறினார்.

அவர் தொடர்ந்தும் கருத்து தெரிவிக்கையில், எமது நாட்டில் சிங்கள – தமிழ் கலவரங்கள் இடம்பெற்று, அதனிலும் மேலாக யுத்தமொன்றில் பல அழிவுகள் ஏற்பட்டு விட்டன. முஸ்லிம்களுக்கும் சிங்களவர்களுக்குமிடையில் முரண்பாடுகள் தோன்றி கலவரங்கள் உருவாக இடமளிக்க முடியாது. நான் தம்புள்ளையின் மேயர் என்ற வகையில் பள்ளிவாசல் பிரச்சினையைத் தீர்த்து வைக்க விரும்புகிறேன்.

இந்தப் பிரச்சினை பல வருடங்களாக இழுத்தடிக்கப்பட்டு வருகின்றது. அரசியலும் இதற்குக் காரணமாகும். உண்மையில் தம்புள்ளையில் இருக்கும் பள்ளிவாசல் ஆரம்பத்தில் ஒரு கடையாக இருந்தே உருவாகியுள்ளது. இப்போது அதனை பள்ளிவாசலென்று கூறமுடியாது. தம்புள்ளை நகரில் 7 முஸ்லிம் குடும்பங்களே உள்ளன. ஏனைய முஸ்லிம்கள் வெளியிடங்களைச் சேர்ந்தவர்கள். தம்புள்ளை புனித பூமிக்குள் இருந்து அகற்றப்படும் முஸ்லிம் குடும்பங்களுக்கு நஷ்ட ஈடுகளும் வழங்கப்படும்.

நிக்கவட்டவன பகுதியில் பன்சலைக்கு சொந்தமான காணியில் எந்தளவு வேண்டுமென்றாலும் வழங்க முடியும். பள்ளிவாசலை தாம் விரும்பியவாறு நிர்மாணித்துக் கொள்ளமுடியும். புனித பூமிக்குள் பள்ளிவாசல் இருப்பதால் பிரச்சினைகள் உருவாகுவதை நான் விரும்பவில்லை.

தம்புள்ளையிலிருந்து 18 கிலோமீற்றர்களுக்கப்பால் பள்ளிவாசலை நகர்த்துவது நியாயமற்றது. இறுதியாக அமைச்சர் சம்பிக்க ரணவக்கவின் காலத்தில் புனித பூமி எல்லைக்குள் 20 பர்ச் காணி ஒதுக்கப்பட்டு அதுவும் இழுபறிநிலையில் இருந்தது என்றார்.