சதகத்துல்லா மௌலவி ஜம்இய்யாவின் வளர்ச்சிக்காக நீண்டகாலம் உழைத்தார்
அனுதாபச் செய்தியில் அகில இலங்கை ஜம்இய்யத்துல் உலமா
சதகத்துல்லா மௌலவி ஜம்இய்யாவின் வளர்ச்சிக்காக நீண்டகாலம் உழைத்துள்ளார் என அகில இலங்கை ஜம்இய்யத்துல் உலமா தெரிவித்துள்ளது.
அன்னாரின் மறைவையொட்டி வெளியிட்டுள்ள அறிக்கையில் மேலும் தெரிவிக்கப்பட்டுள்ளதாவது,
வபாத்தான அஷ்ஷெய்க் ஏ.ஸி.எம். சதகத்துல்லாஹ் நத்வி அவர்களின் வபாத் செய்தி கேட்டு கவலைப்படுகிறோம். அன்னார் கண்டி மாநகர ஜம்இய்யத்துல் உலமா கிளையின் உறுப்பினராக இருந்ததோடு அதன் உப தலைவர்களில் ஒருவராகவும் இருந்து நீண்டகாலம் ஜம்இய்யாவின் வளர்ச்சிக்காக உழைத்தார். சிங்கள மொழியில் குத்பாப் பிரசங்கங்கள் செய்து வந்த அவர் ஒரு காதி நீதிவானாகவும் பணி புரிந்தார். மேலும், கண்டியில் உள்ள சர்வ சமய ஒன்றியத்திலும் ஒரு உறுப்பினராக இருந்து இனங்கள் மத்தியில் ஐக்கியத்தையும் புரிந்துணர்வையும் வளர்க்க பாடுபட்டார்.
அன்னார் கண்டி வன்செயல் காலத்தில் தாக்கப்பட்டது மிகவும் வருத்தத்தை தருகிறது. அதனை சகித்து பொறுத்து அன்னாருக்குத் தேவையான வைத்திய தேவைகளை நிறைவேற்றிக் கொண்டிருந்த அன்னாரது குடும்பத்தினர் அவரது வபாத் காரணமாக மிகவும் துக்கத்திலும் சஞ்சலத்திலும் இருக்கும் இந்நேரத்தில் அகில இலங்கை ஜம்இய்யத்துல் உலமா அவர்களோடு பங்கு கொள்வதோடு தனது ஆழ்ந்த அனுதாபத்தையும் தெரிவித்துக் கொள்கிறது என அவ்வறிக்கையில் தெரிவிக்கப்பட்டுள்ளது.
-Vidivelli