(எப்.அய்னா)
ஸ்ரீலங்கா முஸ்லிம் காங்கிரஸ் பாராளுமன்ற உறுப்பினர் அலி சாஹிர் மௌலானாவை கட்சியிலிருந்து நீக்குவதைத் தடுக்கும் வகையில் பிறப்பிக்கப்பட்ட தடை உத்தரவு எதிர்வரும் 25ஆம் திகதி வரை மீண்டும் நீடிக்கப்பட்டுள்ளது.
கொழும்பு பிரதான மாவட்ட நீதிபதி சந்துன் விதான இந்த உத்தரவை நேற்று (11) பிறப்பித்துள்ளார்.
ஸ்ரீலங்கா முஸ்லிம் காங்கிரஸ் பாராளுமன்ற உறுப்பினர் அலி சாஹிர் மௌலானாவின் கட்சி உறுப்புரிமையை நீக்குவதைத் தடுக்கும் வகையில் அந்தக் கட்சியின் தலைவர் மற்றும் செயலாளர் நாயகத்துக்கு கொழும்பு மாவட்ட நீதிமன்றம் இடைக்காலத்தடையுத்தரவு பிறப்பித்துள்ளது.
அலி சாஹிர் மௌலானாவினால் தாக்கல் செய்யப்பட்ட மனு பரிசீலனைக்கு எடுத்துக் கொள்ளப்பட்ட போதே கொழும்பு மாவட்ட நீதிவான் சந்துன் விதானகே இந்த உத்தரவை பிறப்பித்திருந்த நிலையில், நேற்று ( 11) வரையிலேயே தடை உத்தரவு அமுலில் இருந்தது. இந்நிலையிலேயே நேற்று மீள அத்தடை நீடிக்கப்பட்டுள்ளது.- Vidivelli