(எப்.அய்னா)
உயிர்த்த ஞாயிறு தினத்தன்று நடைபெற்ற தற்கொலை குண்டுத் தாக்குதல்களின் பின்னால் உள்ள அனைத்து உண்மைகளும் வெளிப்படுத்தப்பட்டு, அத்தாக்குதல்களின் பிரதான சூத்திரதாரிகள் அனைவரும் தண்டிக்கப்படுவர் என எதிர்க்கட்சித் தலைவரும், ஐக்கிய மக்கள் கூட்டமைப்பின் ஜனாதிபதி வேட்பாளருமான சஜித் பிரேமதாஸ உறுதியளித்துள்ளார்.
நேற்று (11) கொழும்பில் வைத்து பேராயர் கர்தினால் மெல்கம் ரஞ்சித்தை, எதிர்க்கட்சித் தலைவர் சஜித் பிரேமதாஸ சந்தித்தார்.
இதன்போது உயிர்த்த ஞாயிறு தின தாக்குதல்களால் பாதிக்கப்பட்டவர்களுக்கு உரிய நியாயமான நட்டஈட்டினை வழங்க தேவையான நீதிமன்ற நடவடிக்கைகளை முன்னெடுப்பதாகவும், அதற்கான உறுதியான நீதிமன்ற பொறிமுறையை ஏற்படுத்துவதாகவும் சஜித் பிரேமதாஸ உறுதியளித்துள்ளார்.
அதன்படியே, உயிர்த்த ஞாயிறு தின தாக்குதலின் மூளையாக செயற்பட்டவர்கள் உள்ளிட்ட அனைவரையும் தகுதி தராதரம் பாராது தண்டிக்க நடவடிக்கை எடுப்பதாகவும் சஜித் பிரேமதாஸ உறுதியளித்துள்ளார்.- Vidivelli