(ஏ.ஆர்.ஏ.பரீல்)
இவ்வருடத்துக்கான ஹஜ் யாத்திரை ஏற்பாடுகள் அனைத்தும் பூர்த்தியாகியுள்ளதாகவும், 68 ஹஜ் யாத்திரிகர்களுடன் இலங்கையிலிருந்து முதலாவது விமானம் எதிர்வரும் 21ஆம் திகதி புறப்பட்டுச் செல்லவுள்ளதாகவும் அரச ஹஜ் குழுவின் தலைவர் இப்றாஹிம் அன்ஸார் விடிவெள்ளிக்குத் தெரிவித்தார்.
மேலும் இலங்கையிலிருந்து ஹஜ் யாத்திரிகர்களு டன் சவூதி அரேபியாவுக்குச் செல்லும் இறுதி விமானம் ஜூன் மாதம் 9ஆம் திகதிக்கு உறுதி செய்யப்பட்டுள்ளதாகவும் அவர் கூறினார்.
இவ்வருடம் இலங்கையிலிருந்து 3500 பேர் ஹஜ் யாத்திரையை மேற்கொள்ளவுள்ளனர். இவ்வருடம் 93 ஹஜ் முகவர்களுக்கு முஸ்லிம் சமய பண்பாட்டலுவல்கள் திணைக்களம் அனுமதிப் பத்திரம் வழங்கியுள்ளதுடன் 3500 ஹஜ் கோட்டாவும் பிரித்து வழங்கப்பட்டுள்ளது.
சவூதி அரேபிய ஹஜ் அமைச்சின் சட்ட விதிகளுக்கு அமைய முகவரொருவர் 100 க்கு மேற்பட்ட ஹஜ் யாத்திரிகர்களையே அழைத்துச் செல்ல முடியும். இத்தொகைக்கு குறைவாக அழைத்துச் செல்ல முடியாது. இந்த விதிக்கமைய 26 முகவர்களின் கீழ் ஹஜ் முகவர்கள் ஒன்றிணைந்து 3500 ஹஜ் யாத்திரிகர்களையும் அழைத்துச் செல்கின்றனர்.- Vidivelli