வடக்கு முஸ்லிம்களின் மீள்குடியேற்றம் தொடர்பில் கவனம் செலுத்த தனியான பிரிவு ஒன்று ஏற்படுத்தப்படும் என ஜனாதிபதி ரணில் விக்ரமசிங்க உறுதியளித்துள்ளார்.
கடந்த சனிக்கிழமை யாழ்ப்பாண மாவட்ட செயலகத்தில் ஜனாதிபதி ரணில் விக்கிரமசிங்க யாழ் மாவட்ட சர்வமதப் பேரவை உட்பட சமயத் தலைவர்களை சந்தித்து கலந்துரையாடினார்.
இச்சந்திப்பின் போது மௌலவி பி.ஏ.எஸ்.சுப்யான் யாழ் மாவட்ட முஸ்லிம்களின் மீள்குடியேற்றத்தில் ஏற்பட்டுள்ள பின்னடைவுகளை புள்ளிவிவரங்களுடன் எடுத்துக்கூறி நிவர்த்தி செய்ய நடவடிக்கை எடுக்குமாறு கோரிக்கையை முன்வைத்ததும் இது தொடர்பான ஆவணங்களையும் ஜனாதிபதிக்கு வழங்கி வைத்தார்.
இதற்கு பதிலளித்த ஜனாதிபதி ரணில் விக்கிரமசிங்க முஸ்லிம்களுடைய மீள்குடியேற்றம் தொடர்பான பிரச்சினையை ஆராயவும் தீர்வு காணவும் தனியான ஒரு பிரிவு ஒன்றை ஏற்படுத்துவதாக கூறியதுடன் நடவடிக்கை எடுக்கும்படி செயலாளருக்கு இக்கூட்டத்திலேயே பணிப்புரையும் வழங்கினார்.- Vidivelli