போர் மட்டுமே தீர்வாகாது; இரு நாடுகளும் நிலையான அமைதிக்காக ஒன்றிணையுங்கள்
பலஸ்தீன தூதுவரைச் சந்தித்து எதிர்க்கட்சித் தலைவர் சஜித் பிரேமதாச தெரிவிப்பு
பாலஸ்தீனம் மற்றும் இஸ்ரேல் இடையே தற்போது நிலவிவரும் நெருக்கடி நிலையை பேச்சுவார்த்தை மூலம் தீர்ப்பதால், இரு நாட்டு மக்களின் உயிர் பாதுகாப்புக்கு தொடர்ந்து உத்தரவாதம் அளிக்கப்படும். எந்தவொரு சந்தர்ப்பத்திலும் போரோ அல்லது வன்முறையோ பிரச்சினைக்கு ஒரே தீர்வாக அமையாது. நிலையான அமைதிக்கான தீர்வை இரு நாட்டு தலைவர்களும் சந்தித்து இணக்கம் காணுமாறு எதிர்க்கட்சித் தலைவர் சஜித் பிரேமதாச கடந்த திங்களன்று இலங்கைக்கான பலஸ்தீனத்த தூதுவர் கலாநிதி சுஹைர் ஹம்தல்லா ஸைதை சந்தித்து தெரிவித்தார்.
அத்தோடு, பலஸ்தீன நிலமைகளை கேட்டறிந்தும் தமது கவலைகளையும் வெளிப்படுத்தினார்.
தொடர்ந்தும் யுத்தம் நடந்தால் குழந்தைகள், தாய்மார்கள்,பெண்கள் உட்பட அப்பாவி மக்கள் உயிரிழக்க நேரிடும் என்றும், காயப்பட்டு பல்வேறு கோளாறுகள் மற்றும் அசௌகரியங்களுக்கு ஆளாதல் போன்றன ஏற்படுவதனால்,இரு நாடுகளுக்கும் இடையே போர் நிலவும் நிலை நீடிக்காமல் நிரந்தர அமைதிக்கான ஆரம்பமே எழுந்துள்ளதாகவும், வன்முறையை ஏற்காதவன் என்ற வகையில், இரு தரப்பு பொதுமக்களின் உயிருக்கு இனியும் ஆபத்து ஏற்படாமல் நிலையான அமைதியை நோக்கி நகர வேண்டும் என்றே இந்நேரத்தில் கேட்டுக் கொள்ள வேண்டியிள்ளதாகவும் அவர் தெரிவித்தார்.
மேலும், இந்த போரில் உயிரிழந்த மற்றும் குடும்பத்தை இழந்த இரு நாட்டு பொதுமக்களுக்கும் தனது இரங்கலையும்,அநுதாபங்களையும் தெரிவித்துக் கொள்வதாகவும் எதிர்க்கட்சித் தலைவர் சஜித் பிரேமதாச மேலும் தெரிவித்தார்.
இச்சந்திப்பில் எதிர்க்கட்சித் தலைவருடன் பாராளுமன்ற உறுப்பினர் இம்தியாஸ் பாக்கிர் மாக்கார் அவர்களும் கலந்து கொண்டார்.- Vidivelli