சவூதி அரேபிய மன்னர் சல்மான் பின் அப்துல் அசீஸ் அல் சவூத் மற்றும் பட்டத்து இளவரசர் பிரதமர் இளவரசர் முஹம்மது பின் சல்மான் பின் அப்துல் அசீஸ் அல் சவூத் ஆகியோர், சூடான் மக்களுக்காக, 100 மில்லியன் அமெரிக்க டொலர்கள் மதிப்பிலான பல்வேறு மனிதாபிமான உதவிகளை வழங்குமாறும், அம்மக்கள் தற்போது அனுபவித்து வரும் இன்னல்களின் விளைவுகளைத் தணிக்க “சாஹிம்” தளத்தின் மூலம் ஒரு பாரிய பிரசாரத்தை ஏற்பாடு செய்யுமாறும், மன்னர் சல்மான் மனிதாபிமான உதவிகள் மற்றும் நிவாரண மையத்திற்கு உத்தரவிட்டுள்ளனர்.
அரச நிர்வாக மையத்தின் ஆலோசகரும், பொது மேற்பார்வையாளருமான டாக்டர். அப்துல்லா பின்அப்துல் அசீஸ் அல்-ரபீஹ், இந்த உதவியானது இரண்டு புனித மசூதிகளின் பாதுகாவலர் மற்றும்பட்டத்து இளவரசர் ஆகியோரின் உத்தரவுக்கமைய, சகோதர சூடானிய மக்களுக்கு ஆதரவாகநிற்கவும், அவர்கள் எதிர்கொள்ளும் கடினமான நெருக்கடியின் விளைவுகளைத் தணிப்பதற்குமாகவழங்கப்படுகிறது என்பதை உறுதிப்படுத்தினார்.
அரச தலைமைத்துவத்தின் பணிப்புரைகளுக்கமைய, சூடான் குடியரசில் இடம்பெயர்ந்தவர்களுக்கு நிவாரணம், மனிதாபிமான உதவிகள் மற்றும் மருத்துவ உதவிகள் வழங்கப்படும் என்றும், உலகின் எப்பகுதியிலிருந்தாலும் இன்னல்படும் மக்களுக்கு உதவுவ முன்வருவது போல் இவ்வுதவிகளை வழங்குவதற்காக அனுமதி வழங்கிய சவூதியின் தலைமைத்துவத்திற்கும் அவர் தனது நன்றிகளைதெரிவித்துக்கொண்டார்.
இதேவேளை, சவூதி அரேபிய அரசானது சூடானில் சிக்கித் தவிக்கும் சகோதார மற்றும் நட்பு நாட்டுப்பிரஜைகளை வெளியேற்றும் முயற்சியின் தொடர்ச்சியாக, அங்கிருந்து வெளியேற்றப்பட்ட யமன் மற்றும் சூடான் நாடுகளைச் சேர்ந்த 453 பேர் கடந்த ஞாயிற்றுக்கிழமை அன்று சவூதி அரேபியமன்னருக்குச் சொந்தமான “அபஹா” மற்றும் “ரியாத்” என்ற கப்பல்கள் மூலம் ஜெத்தா நகரைவந்தடைந்தனர். அதேவேளை சவூதி அரேபிய வான் படைக்குச் சொந்தமான மூன்று விமானங்கள்மூலம், சூடான், லெபனான், இந்தோனேஷியா, பாக்கிஸ்தான், பங்களாதேஷ், கென்யா, ரஷ்யா மற்றும் அமெரிக்கா போன்ற நாடுகளை சேர்ந்த 690 பேர்களும் ஞாயிற்றுக்கிழமை ஜெத்தா நகரை வந்தடைந்தனர்.
அவர்கள் தத்தமது நாடுகளுக்குப் புறப்படுவதற்குத் தயாராகும் வகையில் அவர்களுக்குத்தேவையான அனைத்து அடிப்படை வசதிகளையும் ஏற்படுத்திக் கொடுப்பதில் சவூதி அரேபியாஆர்வம் காட்டி வருவதாக இலங்கைக்கான சவூதி தூதுவர் காலித் ஹமூத் அல்கஹ்தானி உறுதிப்படுத்தினார்.
வெளியேற்ற முயற்சிகள் ஆரம்பிக்கப்பட்டதிலிருந்து சூடானில் இருந்து இதுவரை மொத்தமாக 110 நாடுகளைச் சேர்ந்த 8498 பேர் வெளியேற்றப்பட்டுள்ளனர். இவர்களில் 278 சவூதி பிரஜைகளும் ஏனைய நாடுகளைச் சேர்ந்த 8220 பேரும் அடங்குவர்.-Vidivelli