பதிவுக் கட்டணத்தை செலுத்தி ஹஜ் பயணத்தை உறுதி செய்க
முஸ்லிம் சமய பண்பாட்டலுவல்கள் திணைக்களம் வேண்டுகோள்
(எம்.வை.எம்.சியாம்)
சவூதி அரசாங்கம் இவ்வருடம் இலங்கையிலிருந்து 3,500 யாத்திரிகள் புனித ஹஜ் யாத்திரையை மேற்கொள்ள அனுமதி வழங்கியுள்ளது. 2019 ஆம் ஆண்டிலிருந்து புனித ஹஜ் கடமையினை மேற்கொள்வதற்காக ஏற்கனவே திணைக்களத்தில் 25,000 ரூபா பதிவுக் கட்டணத்தை செலுத்தி உறுதி செய்து கொண்டவர்களுக்கு முன்னுரிமை வழங்குவதற்கு ஹஜ் குழுவும், முஸ்லிம் சமய பண்பாட்டலுவல்கள் திணைக்களமும் தீர்மானித்துள்ளன.
இவ் வருடம் ஹஜ் யாத்திரையை நிறைவேற்ற விரும்பும் விண்ணப்பாதிரிகள் முஸ்லிம் பண்பாட்டலுவல்கள் திணைக்கள இணையத்தளத்தினூடாக விண்ணப்பிக்குமாறு கேட்டுக்கொள்ளப்படுகின்றனர்.
அத்துடன் பதிவுக்கட்டணம் ரூபாய் 25,000 இலங்கை வங்கி கணக்கிலக்கம் 2327593 (Hajj Account) வைப்பு செய்து வங்கியின் பற்றுச்சீட்டின் மூலப்பிரதியை திணைக்களத்திற்கு நேரடியாக வருகை தந்து சமர்ப்பித்து பற்றுச்சீட்டினைப்பெற்றுக்கொண்டு ஹஜ் பயணத்தை உடனடியாக உறுதிப்படுத்துமாறு கொள்ளுமாறு வேண்டப்படுகின்றனர்.
இதேவேளை, ஹஜ் யாத்திரிகர்கள் தெரிவு பற்றுச்சீட்டின் இலக்க முன்னுரிமை அடிப்படையில் மேற்கொள்ளப்படும் என திணைக்களம் தெரிவித்துள்ளது.- Vidivelli