(எச்.எம்.எம்.பர்ஸான்)
ஐஸ் போதைப்பொருள் பாவனை காரணமாக வவுனியா புனர்வாழ்வு நிலையத்தில் புனர்வாழ்வு பெற்றுவந்த நபரொருவர் கடந்த 10 ஆம் திகதி மரணமடைந்துள்ளார்.
வாழைச்சேனை பொலிஸ் பிரிவுக்குட்பட்ட பகுதியைச் சேர்ந்த நபர் ஒருவரே இவ்வாறு புனர்வாழ்வு பெற்று வந்த நிலையில் மரணமடைந்துள்ளார்.
35 வயதுடைய இரண்டு பிள்ளைகளின் தந்தையான இவர் சுமார் மூன்றரை மாதங்களாக வவுனியா புனர்வாழ்வு நிலையத்தில் புனர்வாழ்வு பெற்றுவந்த நிலையில் மரணமடைந்ததாக குடும்ப உறுப்பினர் ஒருவர் தெரிவித்தார்.
இவ்வாறு மரணமடைந்த நபரின் ஜனாஸாவை தொழுகை நடாத்தி நல்லடக்கம் செய்ய அவர் வசித்துவந்த பகுதியிலுள்ள மாஞ்சோலை ஜும்ஆப் பள்ளிவாசல் நிர்வாகத்தினர் மறுப்பு தெரிவித்தனர்.
இந்நிலையில் மரணமடைந்த குறித்த நபரின் ஜனாஸாவை அவரது குடும்ப உறுப்பினர்கள் முன்னின்று தொழுகை நடாத்தி குறித்த பள்ளிவாசல் மையவாடியிலேயே நல்லடக்கம் செய்தனர்.– Vidivelli