(ஏ.ஆர்.ஏ.பரீல்)
புத்தசாசனம், மத மற்றும் கலாசார அலுவல்கள் அமைச்சர் விதுர விக்ரமநாயக்கவினால் வக்பு சபையின் அமர்வுகள் சில தினங்கள் இடைநிறுத்தப்பட்டு மீண்டும் அதன் பணிகளைத் தொடர்வதற்கு அனுமதி வழங்கப்பட்டதனையடுத்து வக்புசபை கூட்டம் எதிர்வரும் 28ஆம் திகதி நடைபெறவுள்ளது.
28 ஆம் திகதி கொழும்பிலுள்ள வக்பு சபை கட்டிடத்தில் பிற்பகல் 2 மணிக்கு கூட்டம் ஆரம்பமாகவுள்ளதாகவும், நிலுவையிலுள்ள பள்ளிவாசல் தொடர்பான விவகாரங்கள் ஆராயப்பட்டு தீர்வு வழங்கப்படவுள்ளதாகவும் வக்பு சபையின் தலைவர் சட்டத்தரணி சப்ரி ஹலீம்தீன் தெரிவித்தார்.
மேலும் அவர் கருத்து தெரிவிக்கையில், கடந்த 19 ஆம் திகதி வக்புசபை கூட்டம் ஏற்பாடு செய்யப்பட்டிருந்தபோதும் எரிபொருள் தட்டுப்பாடு காரணமாக கூட்டம் எதிர்வரும் 28 ஆம் திகதிக்கு ஒத்திவைக்கப்பட்டது. கடந்த 5 வாரங்களாக கூட்டம் எரிபொருள் தட்டுப்பாடு காரணமாக தொடர்ந்து ஒத்தி வைக்கப்பட்டது என்றார்.-Vidivelli