பொய்க் குற்றச்சாட்டுக்களின் பேரில் பணியிலிருந்து இடைநிறுத்தப்பட்டிருந்த காலப் பகுதிக்குரிய நிலுவை சம்பளப் பணத்தில், வைத்தியசாலைகளுக்குத் தேவையான அத்தியாவசிய மருந்துப் பொருட்களை கொள்வனவு செய்து வழங்க குருநாகல் போதனா வைத்தியசாலையின் முன்னாள் வைத்திய அதிகாரி டாக்டர் ஷாபி சிஹாப்தீன் தீர்மானித்துள்ளார்.
சுகாதார அமைச்சிடமிருந்து தனக்கு கிடைக்கப் பெற்றுள்ள 26 இலட்சத்து 75 ஆயிரம் ரூபாவுக்கும் இந்தியாவிருந்து மருந்துப் பொருட்களைக் கொள்வனவு செய்து கையளிக்கவுள்ளதாக அவர் விடிவெள்ளியிடம் தெரிவித்தார்.
பணமாகவன்றி, மருந்துப் பொருட்களாக வழங்குவதற்கான ஏற்பாடுகள் தொடர்பில் தான் சுகாதார அமைச்சின் உயரதிகாரிகளுடன் உரையாடியுள்ளதாகவும் அதற்கான ஏற்பாடுகள் தற்போது இடம்பெற்று வருவதாகவும் அவர் குறிப்பிட்டார்.
மேலும் விரைவில் கொழும்பில் வைத்து இந்த மருந்துப் பொருட்கள் சுகாதார அமைச்சின் அதிகாரிகளிடம் கையளிக்கவுள்ளதாகவும் அவர் மேலும் குறிப்பிட்டார்.- Vidivelli