(எச்.எம்.எம்.பர்ஸான்)
கொரோனா தொற்றினால் மரணிக்கும் நபர்களை நல்லடக்கம் செய்யும் ஓட்டமாவடி மஜ்மா நகர் மையவாடியில் ஜனவரி 25 ஆம் திகதி வரை 3379 உடல்கள் நல்லடக்கம் செய்யப்பட்டுள்ளன.
குறித்த மையவாடியில் இம்மாதம் 1 ஆம் திகதி முதல் 25 ஆம் திகதி வரையான நாட்களில் மாத்திரம் 76 உடல்கள் நல்லடக்கம் செய்யப்பட்டுள்ளன.
மஜ்மா நகர் மையவாடியில் தற்போது நாளொன்றிற்கு 4 முதல் 5 வரையான உடல்கள் நல்லடக்கத்திற்காக கொண்டு வரப்படுகின்றன.
மஜ்மா நகர் மையவாடிக்குச் சென்று மரணித்தவர்களுக்கு பிரார்த்தனை செய்ய உறவினர்களுக்கு ஓட்டமாவடி பிரதேச சபையினால் அனுமதி வழங்கப்பட்டுள்ளமை குறிப்பிடத்தக்கது.- Vidivelli