கல்முனை மாநகர சபையை பிரதிநிதித்துவப்படுத்தும் சாய்ந்தமருது சுயேச்சை அணியினர் தேசிய காங்கிரஸுடன் இணைந்து கொண்டுள்ளனர்.
அத்துடன் பொதுத் தேர்தலில் தேசிய காங்கிரஸ் தலைவரும் முன்னாள் அமைச்சருமான ஏ.எல்.எம்.அதாவுல்லாஹ்வை ஆதரிப்பதுடன், அக்கட்சி சார்பில் ஓய்வுபெற்ற சிவில் நிர்வாக அதிகாரி ஏ.எல்.எம்.சலீமை களமிறக்கவும் சாய்ந்தமருது பள்ளிவாசல் தலைமையிலான சுயேச்சை அணியினர் தீர்மானித்துள்ளனர்.
நேற்றைய தினம் சாய்ந்தமருதில் இடம்பெற்ற ஊடகவியலாளர் சந்திப்பின்போதே இதுகுறித்து உத்தியோகபூர்வமாக அறிவிக்கப்பட்டது.
கடந்த 2018 ஆம் ஆண்டு இடம்பெற்ற கல்முனை மாநாகர சபைத் தேர்தலில் சாய்ந்தமருது பெரிய பள்ளிவாசல் வழிகாட்டலில் சுயேச்சை அணி தோடம்பழ சின்னத்தில் போட்டியிட்டது. சாய்ந்தமருதில் 6 வட்டாரங்களில் வெற்றிபெற்றதுடன் பட்டியல் மூலமாக 3 ஆசனங்களை பெற்றுக்கொண்டமை குறிப்பிடத்தக்கது.-Vidivelli
- றிப்தி அலி