ஜனாதிபதி கோத்தாபய ராஜபக் ஷ புதிய அமைச்சரவையை நியமித்துள்ளதையடுத்து முன்னாள் முஸ்லிம் சமய விவகார அமைச்சர் எம்.எச்.ஏ.ஹலீமினால் நியமிக்கப்பட்டிருந்த அரச ஹஜ் குழு இராஜினாமா செய்துள்ளது.
அரச ஹஜ் குழுவின் உறுப்பினர்கள் தங்களது பதவிகளை இராஜினாமா செய்து கொண்டுள்ளதாக அரச ஹஜ் குழுவின் தலைவர் கலாநிதி எம்.ரி.சியாத் தெரிவித்தார். தங்களது பதவிக்காலத்தில் ஹஜ் ஏற்பாடுகளைச் சிறப்பான முறையில் முன்னெடுப்பதற்கு ஒத்துழைப்பு வழங்கிய முன்னாள் அமைச்சர் எம்.எச்.ஏ.ஹலீம், அமைச்சின் செயலாளர், பணிப்பாளர்கள் மற்றும் உத்தியோகத்தர்கள், ஹஜ் முகவர்கள், முஸ்லிம் சமய பண்பாட்டலுவல்கள் திணைக்களத்தின் பணிப்பாளர் உட்பட உத்தியோகத்தர்கள் அனைவருக்கும் அரச ஹஜ் குழுவின் முன்னாள் தலைவர் கலாநிதி எம்.ரி.சியாத் நன்றிகளைத் தெரிவித்துள்ளார்.-Vidivelli
- ஏ.ஆர்.ஏ.பரீல்