ஐந்து மாகாணங்களுக்கான புதிய ஆளுநர்கள் ஜனாதிபதி செயலகத்தில் ஜனாதிபதி மைத்திரிபால சிறிசேன முன்னிலையில் கடந்த வெள்ளியன்று பதவிப்பிரமாணம் செய்து கொண்டனர்.
இதன்போது கிழக்கு மாகாண ஆளுநராக எம்.எல்.ஏ.எம்.ஹிஸ்புல்லாஹ்வும் மேல்மாகாண ஆளுநராக அசாத்சாலியும் நியமிக்கப்பட்டுள்ளனர்.
இதுதவிர, மத்திய மாகாணத்திற்கு மைத்திரிகுணரத்னவும் வடமேல் மாகாணத்திற்கு பேசல ஜயரத்னவும் வடமத்திய மாகாணத்திற்கு சரத் ஏக்கநாயக்கவும் ஆளுநர்களாக நியமிக்கப்பட்டுள்ளனர்.
கடந்த வெள்ளிக்கிழமை பாராளுமன்ற உறுப்பினர் பதவியை இராஜினாமா செய்த முன்னாள் அமைச்சர் ஹிஸ்புல்லாஹ் மற்றும் முன்னாள் கொழும்பு மாநகர சபை உறுப்பினர் அசாத் சாலி ஆகியோர் ஆளுநர்களாக நியமிக்கப்பட்டனர். இவர்கள் இன்றைய தினம் தனது கடமைகளை பொறுப்பேற்கவுள்ளதாக தெரிவிக்கப்படுகின்றது.
இதேவேளை, முன்னாள் மத்திய மாகாண முதலமைச்சர் சரத் ஏக்கநாயக்க வடமத்திய மாகாணத்திற்கும் முன்னாள் வடமத்திய மாகாண முதலமைச்சர் வடமேல் மாகாணத்திற்கும் ஆளுநராக ஜனாதிபதியால் நியமிக்கப்பட்டனர்.
ஐக்கிய தேசிய சுதந்திர முன்னணியின் தலைவர் மைத்திரி குணரத்ன மத்திய மாகாண ஆளுநராக நியமிக்கப்பட்டுள்ளமையும் குறிப்பிடத்தக்கது.
-Vidivelli