ஜயந்த வீரசேகர மாவத்தையில் அமைந்துள்ள அகில இலங்கை ஜம்இய்யத்துல் உலமா சபையின் தலைமை அலுவலகத்திற்கு நேற்றையதினம் சென்ற தேசிய மக்கள் சக்தியின் ஜனாதிபதிவேட்பாளர் அநுர குமார திஸாநாயக்க, அகில இலங்கை ஜம்இய்யத்துல் உலமாவின் தலைவர் அஷ்ஷெய்க் முஃப்தி ரிஸ்வி, செயலாளர் அஷ் சேக் அர்கம் நூராமித் மற்றும் கலாநிதி ஏ.ஏ.அஹமட் அஸ்வர் ஆகியோரை சந்தித்து கலந்துரையாடியுள்ளார்.
இன்றளவில் நாட்டில் நிலவுகின்ற அரசியல் நிலைமைகள் பற்றி முஃப்திமார்களுடனும் நிர்வாக மௌலவிமார்களுடனும் கலந்துரையாடியதுடன், எதிர்வரும் ஜனாதிபதித் தேர்தலில் வெற்றி பெறுவதற்கான நல்லாசியையும் பெற்றுக்கொண்டதாக இது குறித்து அநுர குமார திஸாநாயக்க தெரிவித்துளள்ளார்.
இந்த சந்திப்பின்போது தேசிய மக்கள் சக்தியின் தேசிய நிறைவேற்றுப் பேரவை உறுப்பினர் விஜித ஹேரத் உள்ளிட்ட பலரும் இணைந்துகொண்டமை குறிப்பிடத்தக்கது.– Vidivelli