கொள்கலன்களில் எரிபொருள் எடுத்துச்சென்ற விவசாயிகளை கைது செய்ய பொலிஸார் தீவிர முயற்சி

வவு­னியா செட்­டிக்­குளம் பிர­தே­சத்தில் விவ­சாய தேவை­க­ளுக்­கென எரி­பொ­ருளை வைத்­தி­ருந்த விவ­சா­யி­களை பொலிஸார் கைது செய்ய முயற்­சிப்­ப­தாக பிர­தேச மக்கள் குற்­றம்­சாட்­டு­கின்­றனர். அத்­துடன் இது தொடர்பில் பிர­தேச பள்­ளி­வாசல் நிர்­வா­கத்­தினால் தேசிய பொலிஸ் முறைப்­பாட்டு ஆணைக்­குழு மற்றும் மனித உரி­மைகள் ஆணைக்­குழு ஆகி­ய­வற்­றிலும் முறைப்­பாடு செய்­யப்­பட்­டுள்­ளது.

இச் சம்­பவம் தொடர்பில் மேலும் தெரிய வரு­வ­தா­வது, கடந்த 28 ஆம் திகதி வவு­னி­யாவில் உள்ள எரி­பொருள் நிரப்பு நிலையம் ஒன்றில் எரி­பொருள் விநி­யோ­கிக்­கப்­பட்­டுள்­ளது. இதன்­போது வவு­னியா, செட்­டிக்­குளம் பிர­தே­சத்தைச் சேர்ந்த விவ­சா­யிகள், விவ­சா­யத்­திற்கு பயன்­ப­டுத்­தப்­படும் வாக­னங்­க­ளுக்குத் தேவை­யான எரி­பொ­ருளை கொள்­க­லன்­களில் பெற்றுச் சென்­றுள்­ளனர். எரி­பொ­ரு­ளின்றி விவ­சாய நிலத்தில் நிறுத்­தப்­பட்­டுள்ள, ட்ரக்டர் வாக­னங்­களை கொண்டு வந்து எரி­பொருள் நிரப்ப முடி­யாது என்­ப­தா­லேயே இவ்­வாறு கொள்­க­லன்­களில் எரி­பொ­ருளைப் பெற்றுச் சென்­றுள்­ளனர்.

எனினும் இதனை சட்­ட­வி­ரோ­த­மான செயல் எனக் கூறி, மறுநாள் அதி­காலை இவ்­வாறு எரி­பொ­ருளைப் பெற்றுச் சென்­ற­வர்­களின் வீடு­க­ளுக்குச் சென்று பொலிசார் அவற்றை பலாத்­கா­ர­மாக எடுத்துச் சென்­றுள்­ளனர். இதற்கு பொது மக்கள் எதிர்ப்பு வெளி­யிட்­டுள்­ளனர். தமது விவ­சாய தேவை­க­ளுக்­கென வைத்­தி­ருக்கும் எரி­பொ­ருளை சட்­ட­வி­ரோ­த­மா­ன­தாக கருத முடி­யாது என்றும் வாக­னங்­களில் எரி­பொ­ருளை வைத்­தி­ருந்தால் அவற்றை இரவு வேளையில் திருடிச் செல்­வ­தா­லேயே தாம் கொள்­க­லன்­களில் வைத்­தி­ருப்­ப­தா­கவும் ட்ரக்­டர்­களைக் கொண்டு சென்று எரி­பொருள் நிரப்ப முடி­யாது எனவும் விவ­சா­யிகள் இதன்­போது பொலி­சா­ரிடம் எடுத்துக் கூறி­யுள்­ளனர்.

இதன்­போது அங்கு பொலி­சா­ருக்கும் பொது மக்­க­ளுக்­கு­மி­டையே முறுகல் நிலை தோன்­றி­யுள்­ளது. இந் நிலையில் பொலிசார் கொண்டு செல்ல முற்­பட்ட எரி­பொருள் கலன்­களை பொது மக்கள் மீண்டும் தம்­முடன் எடுத்துச் சென்­றுள்­ளனர்.

எனினும் அங்­கி­ருந்து சென்ற பொலிசார் பின்னர் இச் சம்­ப­வத்­துடன் தொடர்­பு­டைய சிலரை கைது செய்­வ­தற்கு முயற்­சி­களை மேற்­கொண்டு வரு­வ­தாக பிர­தேச மக்கள் தெரி­விக்­கின்­றனர்.

இச் சம்­பவம் தொடர்பில் சட்டத்தரணிகள், மனித உரிமைகள் செயற்பாட்டாளர்கள், கோட்டாகோகம போராட்டக்காரர்கள் மற்றும் முஸ்லிம் சிவில் அமைப்புகளின் கவனத்திற்குக் கொண்டு சென்றுள்ளதாகவும் பிரதேச மக்கள் மேலும் தெரிவிக்கின்றனர்.– Vidivelli