இலங்கையில் தற்போது ஏற்பட்டுள்ள நெருக்கடி இந்தியாவுக்கு எச்சரிக்கையாக அமைய வேண்டும் என ஜம்மு காஷ்மீரின் முன்னாள் முதல்வர் மெஹ்பூபா முப்தி தெரிவித்துள்ளார்.
இந்தியாவின் பொருளாதாரமும் இலங்கையின் வழியிலேயே பயணிப்பதாக சுட்டிக்காட்டி தனது டுவிட்டர் கணக்கில் வெளியிட்டுள்ள பதிவிலேயே அவர் இதனை குறிப்பிட்டுள்ளார்.
“இலங்கையில் என்ன நடந்தது என்பது ஒரு எச்சரிக்கையாக இருக்க வேண்டும். 2014 முதல், இந்தியா ஒரு வகுப்புவாத வெறி மற்றும் கற்பனையான அச்சங்களுக்குள் தள்ளப்பட்டுள்ளது. மிகை தேசியவாதம் மற்றும் மதப் பெரும்பான்மைவாதத்தின் பாதையில் அது பயணிக்கிறது. இவை அனைத்துக்குமாக சமூக ஒற்றுமை மற்றும் பொருளாதார பாதுகாப்பை விலை கொடுக்க வேண்டி வரும்” என அவர் அதில் குறிப்பிட்டுள்ளார்.
இதேவேளை மெஹ்பூபா முப்தியின் இந்தக் கருத்தை கண்டித்துள்ள இந்தியாவின் ஆளும் பாரதீய ஜனதா கட்சி, அதனை துரோகம் என்றும் வர்ணித்துள்ளது.- Vidivelli