அல்குர்ஆனின் போதனைகள் குறித்து அறியாத பாராளுமன்ற உறுப்பினர் டலஸ் அழகப்பெரும, வெறும் அரசியல் இலாபம் அடைந்துகொள்வதற்காக அல்குர்ஆனை இழிவுபடுத்தக் கூடாது என கொழும்பு மாவட்ட பாராளுமன்ற உறுப்பினர் முஜிபுர் ரஹ்மான் தெரிவித்துள்ளார்.
நேற்றுமுன்தினம் அலரி மாளிகையில் இடம்பெற்ற விசேட ஊடகவியலாளர் சந்திப்பில் கலந்துகொண்டு செய்தியாளர்களிடம் பேசுகையிலேயே அவர் மேற்கண்டவாறு தெரிவித்தார்.
இது குறித்து அவர் மேலும் தெரிவிக்கையில்,
அன்மையில் இடம்பெற்ற நிகழ்வொன்றின்போது உரையாற்றிய டளஸ் அலகப்பெரும அல்குர்ஆனையும் ஐ.எஸ். தீவிரவாத அமைப்பையும் தொடர்புபடுத்தி குறிப்பிட்டிருந்தார். இந்த கருத்தானது கண்டிக்கத்தக்க வகையில் அமைந்திருக்கிறது.
ஐ.எஸ். அமைப்பானது தீவிரவாத செயற்பாடுகளுடன் தொடர்புடைய அமைப்பு. அந்த அமைப்பு இஸ்லாத்துடன் தொடர்புபட்ட அமைப்பாக கருத முடியாது. இலங்கை முஸ்லிம்கள் அவ்வமைப்பை ஏற்கவில்லை. அத்தோடு அதற்கும் இல்லாத்திற்கும் தொடர்பில்லை என நாம் தெட்டத் தெளிவாக இதற்கு முன்னர் கூறியிருக்கின்றோம்.
புனித குர்ஆனானது உலக மக்களை நேர்வழிப்படுத்தும் ஒரு புனிதமான நூலாகும். அதில் தீவிரவாம் போதிக்கப்படவில்லை.
டளஸ் அழகப்பெரும மேதாவி போல் அனைத்தும் தெரிந்ததுபோல் கதைக்கக் கூடியவர். அல்குர்ஆனில் என்ன இருக்கின்றது என அவர் தெரியாமல் கதைக்கிறார். அவர், உன்மை நிலைவரத்தை தெரிந்துகொண்டு உரையாற்ற வேண்டும் என்றும் இதன்போது பாராளுமன்ற உறுப்பினர் முஜிபுர் ரஹ்மான் தெரிவித்தார்.
-Vidivelli