கன­டாவில் முஸ்லிம் குடும்பம் ஒன்று மீது திட்­ட­மிட்டு வாக­னத்தால் மோதி படு­கொலை

ஒன்­றா­ரியோ மாகா­ணத்தில் உள்ள லண்டன் நகரில் இந்தச் சம்­பவம் நடந்­தி­ருக்­கி­றது. அந்தக் குடும்­பத்தில் 9 வய­தான சிறுவன் மட்டும் உயிர்­பி­ழைத்து மருத்­து­வ­ம­னையில் சிகிச்சை பெற்று வரு­கிறார்.

மதிஹா சல்மான் (44), சல்மான் அஃப்சல் (46), யாம்னா அஃப்சல் (15), அஃப்­சலின் 74 வயது தாய் ஆகியோர் இந்தச் சம்­ப­வத்தில் கொல்­லப்­பட்­டுள்­ளனர்.

இந்தப் படு­கொலை தொடர்­பாக 20 வய­தான கனே­டிய நபர் மீது கொலை வழக்கும் கொலை முயற்சி வழக்கும் பதிவு செய்­யப்­பட்­டுள்­ளது. முஸ்­லிம்கள் என்­ப­தற்­கா­கவே அவர்கள் தாக்­கப்­பட்­ட­தாக காவல்­துறை அதி­காரி பால் வைட் தெரி­வித்­துள்ளார்.

இச் சம்­ப­வத்­துக்கு அந்­நாட்டு பிர­தமர் ஜஸ்டின் ட்ரூடோ இரங்கல் தெரி­வித்­துள்ளார். அவர்கள் மோதிக் கொல்­லப்­பட்ட இடத்­துக்குச் சென்று மல­ரஞ்­சலி செலுத்­திய பிர­தமர் ஜஸ்டின் ட்ரூடோ, நடந்த தாக்­குதல் ஒரு பயங்­க­ர­வாத செயல் என்று கண்­டித்தார்.

இது தொடர்­பாக கனடா பாரா­ளு­மன்­றத்தில் பேசிய ஜஸ்டின் ட்ரூடோ, இது இந்த நாட்டில் வெறுப்­பு­ணர்­வுக்கோ இன­வாத போக்­குக்கோ இட­மில்லை என கரு­துவோர் உண்­டென்றால், பிறகு மருத்­து­வ­ம­னையில் சிகிச்சை பெற்று வரும் அந்த குழந்­தையின் முகத்தைப் பார்த்து எப்­படி என்னால் அதை தெரி­விக்க முடியும்? இஸ்­லா­மோஃ­போ­பியா என்­பது உண்­மை­யில்லை என்­பதை எப்­படி அந்த சிறாரின் குடும்­பத்­தி­னரின் கண்­களைப் பார்த்து என்னால் எப்­படி தெரி­விக்க முடியும்? என்று கேள்வி எழுப்­பினார்.

கொரோனா பெருந்­தொற்றால் மாதக்­க­ணக்கில் வீடு­க­ளி­லேயே முடங்கிக் கடந்த கனடா மக்­க­ளுக்கு தற்­போது பொது­மு­டக்க கட்­டுப்­பா­டுகள் தளர்த்­தப்­பட்­டதால் பலரும் வீடு­களை விட்டு வெளியே வந்து தூய்­மை­யான காற்றை சுவா­சித்­த­படி நடைப்­ப­யிற்சி செய்­வதை வழக்­க­மாகக் கொண்­டுள்­ளனர்.

இந்த நிலையில், குடி­யேறி முஸ்லிம் குடும்­பத்தை இலக்கு வைத்து டிரக் மோதி நடந்த தாக்­குதல் கனடாவில் அதிர்வலையை ஏற்படுத்தியிருக்கிறது.

2017ஆம் ஆண்டு க்யூபெக் பள்ளிவாசலில் நடந்த தாக்குதலுக்குப் பிறகு நடந்திருக்கும் மிக மோசமான தாக்குதல் இதுவாகும்.- Vidivelli