Verified Web

வெறுப்பை வெறுப்பால் எதிர்கொள்ள கூடாது

2017-10-03 06:44:26 Administrator

முஸ்லிம் சமூ­கத்­துக்கும் பெரும்­பான்மை சமூ­கத்­துக்கும் இடையில் நீண்­ட­கா­ல­மாக நிலவி வரும் நல்­லு­ற­வுக்கு பங்­க­மேற்­படும் வகையில் அண்­மைக்­கா­ல­மாக பல சம்­ப­வங்கள் நடை­பெ­று­கின்­றன. 

இனவாத சக்திகள் முஸ்லிம்களுக்கு எதிராக பிரசாரங்களை மேற்கொண்டு வருகின்ற அதேசமயம் முஸ்லிம்களும் நிதானமிழந்து கருத்துக்களை வெ ளியிட்டு வருகின்றனர். குறிப்பாக ரோஹிங்யா அகதிகள் மீது இனவாதிகள் தாக்குதல் நடந்த சம்பவத்தை தொடர்ந்து இந்நிலைமை மீண்டும் தோற்றம் பெற்றுள்ளது.

இவ்­வா­றான சம்­ப­வங்கள் தொடர்ந்தால் பெரும்­பான்மை மக்கள் மத்­தியில் சிறு­பான்­மை­யி­ன­ராக வாழும் முஸ்லிம் சமூ­கமே பாதிப்­புக்­களை எதிர்­நோக்­க­வேண்­டி­யேற்­படும் என்­பதை நாம் நினைவில் நிறுத்­திக்­கொள்ள வேண்டும்.

அனைத்து மதத்­த­லை­வர்­க­ளையும் மத­கு­ரு­மார்­க­ளையும் நாம் கண்­ணி­யப்­ப­டுத்த வேண்டும். பகி­ரங்க போக்­கு­வ­ரத்து சேவையில் பய­ணிக்கும் போது மத­கு­ரு­மாருக்கு கௌரவம் வழங்கி இருக்­கை­யி­லி­ருந்து எழும்பி அம­ரு­வ­தற்கு இடம் வழங்­கு­கின்றோம். அந்தக் கண்­ணியம், கௌரவம் எமது வாழ்க்­கையில் என்றும் நிலைத்­தி­ருக்க வேண்டும்.

பிற மதங்­களை நிந்­தனை செய்யும் வகையில் சமூக வலைத்­த­ளங்­களைப் பயன்­ப­டுத்­து­வ­தையும் எழு­து­வ­தையும் பேசு­வ­தையும் தவிர்த்துக் கொள்ள வேண்டும். இது இஸ்­லா­மிய நடை­மு­றை­க­ளுக்கும் போத­னை­க­ளுக்கும் முர­ணா­னதாகும்.

எமது புனி­த­குர்­ஆனும் முஸ்­லிம்­களும் அவ­ம­திப்­புறும் வகை­யி­லான நட­வ­டிக்­கைகள் முன்­னெ­டுக்­கப்­படும் போது அதற்கு மாற்­றீ­டாக நாம் உணர்ச்­சி­வ­சப்­பட்டு உட­ன­டி­யாக மேற்­கொள்ளும் எதிர் நட­வ­டிக்­கைகள் ஒரு­போதும் எமக்கு விமோ­ச­னத்தைப் பெற்றுத் தரப்­போ­வ­தில்லை. அனைத்து எதிர்­நட­வ­டிக்­கை­களும் நிதா­ன­மாக மசூரா செய்­யப்­பட்டே முன்­னெ­டுக்­கப்­பட வேண்டும். இதுவே ஆரோக்­கி­ய­மா­ன­தாக அமையும்.

நாட்டில் முஸ்­லிம்­க­ளுக்கு எதி­ரான சம­கால பிரச்­சி­னை­க­ளுக்கு சமூகத் தலை­மைகள் ஒன்­று­கூடி ஆராய்ந்து தீர்­வுகள் பெற்­றுக்­கொ­டுக்க வேண்டும். அதே­வேளை பெரும்­பான்மை சமூ­கத்­து­ட­னான நல்­லு­ற­வுக்கு அதி­க­ம­திகம் பங்­க­ளிப்­பினைச் செய்ய வேண்டும். முஸ்­லிம்கள் கண்­ணி­ய­மா­ன­வர்கள். நிதா­னத்தை இழக்­கா­த­வர்கள் என்று பெரும்­பான்மை இனத்­த­வர்கள் பாராட்­டு­ம­ள­வுக்கு எமது செயற்­பா­டுகள் அமை­யு­மானால் அதுவே எமக்குக் கிடைத்த வெற்­றி­யாகும்.