Verified Web

விவாகரத்தின் பின்னர் பிள்ளைகளின் பாதுகாப்புரிமை

A.R.A Fareel

சிரஷே்ட ஊடகவியலாளரான .ஆர்..பரீல் உடத்தலவின்னையை பிறப்பிடமாகக் கொண்டவர். விடிவெள்ளி பத்திரிகையின் ஆசிரிய பீடத்தில் கடமையாற்றும் இவர் காதி நீதிவானாகவும் பதவி வகிக்கிறார்.

 

2017-03-05 07:06:27 A.R.A Fareel

காதி நீதி­மன்­றங்­களில் விவா­க­ரத்து தீர்ப்­புகள் வழங்­கப்­படும் போது சம்­பந்­தப்­பட்ட குடும்­பங்­களின் பிள்­ளைகள் தொடர்பில் அதிக அக்­கறை செலுத்­தப்­ப­டு­கி­றது. பிள்­ளைகள் தாயின் பரா­ம­ரிப்பில் இருந்தால் தந்தை தாப­ரிப்புப் பணம் செலுத்­து­வ­தற்கும் உத்­த­ர­வி­டப்­ப­டு­கிறார்.இதே­வேளை, பிள்­ளை­களின் பாது­காப்­பு­ரிமை தொடர்பில் சில சந்­தர்ப்­பங்­களில் காதி நீதி­மன்­றங்­களில் விவா­க­ரத்து பெற்றுக் கொண்ட தாய்க்கும் தகப்­ப­னுக்­கு­மி­டையில் வாதங்­களும் ஏற்­ப­டு­கின்­றன. பிள்­ளை­களின் பாது­காப்பு தனக்கு வேண்டும் என்று தாய் கோரிக்கை விடும் போது தகப்பன், பிள்­ளை­களின் பாது­காப்­பு­ரிமை தனக்கே வேண்டும் என அடம்­பி­டிப்­பதை காதி நீதி­மன்­றங்­களில் காண முடி­கி­றது.


இச்­சந்­தர்ப்­பத்தில் பிள்­ளை­களின் பாது­காப்­பு­ரிமை தொடர்பில் முஸ்லிம் விவாக, விவா­க­ரத்துச் சட்­டத்தின் மூலா­தாரக் கொள்­கைகள் என்ன என்­பதை நாம் நோக்க வேண்டும். பாது­காப்­பு­ரிமை தொடர்பில் முஸ்லிம் சட்­டத்­தினால் ஆளப்­ப­டு­கின்ற தத்­து­வங்­களைப்  பின்­வ­ரு­மாறு வகைப்­ப­டுத்­தலாம்.பரா­ய­ம­டை­யாத பிள்­ளை­களின் பாது­காப்­பு­ரி­மையில் தாய்க்கு முன்­னு­ரிமை வழங்­கப்­படும். தாயின் மரணம் அல்­லது பொருத்­த­மின்­மையின் போது பிள்­ளையின் பாது­காப்­பு­ரிமை தாய் வழி உற­வி­னர்­க­ளுக்கே வழங்­கப்­படும். தந்­தைக்கு வழங்­கப்­ப­ட­மாட்­டாது. சில விஷேட சந்­தர்ப்­பங்­களில் தாய், பிள்­ளைகள் மீதான தனது பாது­காப்­பு­ரி­மையை இழக்க வேண்டி நேரி­டலாம். எமது நாட்டில் பிள்­ளை­களின் பாது­காப்­பு­ரிமை மாவட்ட நீதி­மன்­றங்­க­ளி­னாலே தீர்­மா­னிக்­கப்­படும். தவிர காதி நீதி­மன்­றங்­க­ளி­னா­லல்ல. 

பிள்­ளை­களின் பாது­காப்பில் தாய்க்கு முன்­னு­ரிமை
ஒரு முஸ்லிம் பெண் விவா­க­ரத்து அல்­லது நீதி­முறைப் பிரிவின் பின்னர் பிள்­ளை­களின் பாது­காப்பு தொடர்பில் தனது கண­வனை விடவும் முன்­னு­ரிமை பெறு­கிறாள். ஆனால் இவ் உரி­மைக்­கான கால­எல்லை பிள்­ளையின் பால், வயது, பெற்­றோரின் பிரிவு என்­ப­வற்­றிற்கு ஏற்ப வேறு­ப­டு­கின்­றது.ஷாபி மத்­ஹபின்படி ஒரு ஆண் பிள்­ளையின் 7 வயது வரை­யி­லான பாது­காப்­பு­ரிமை தாய்க்கு உரி­ய­தாகும். 7 வயது முதல் பிள்­ளையின் பருவ வயது வரை­யி­லான பாது­காப்­பு­ரிமை யாருக்கு வழங்­கப்­பட வேண்­டு­மென்­பதை அப்­பிள்­ளையே தீர்­மா­னிக்க வேண்டும். வாப்பு மரிக்கார் எதிர் உம்­மா­னி­யும்மா 1 MMDLR 52,  ஹஸன் எதிர் மரிக்கார் 4 MM DLR 38, முஹிதீன் எதிர் சித்தி கதீஜா 5 MMDLR 1, ஹமீன் எதிர் மலீஹா பீபி 70 NLR 405 ஆகிய வழக்­கு­களின் தீர்ப்­புகள் இதனை உறுதி செய்­துள்­ளன.

இதே­வேளை, ஒரு பெண் பிள்­ளையின் பாது­காப்­பு­ரி­மை­யா­னது அப்­பிள்ளை திரு­மணம் செய்யும் வரை­யிலும் தாய்க்கே உரி­யது. வாப்பு மரிக்கார் எதிர் உம்­மா­னி­யும்மா 1 MMDLR 52, முஹம்­மது காசிம் எதிர் காசி லெப்பை 1 MMDLR 102, நோனா சுஜா 1 MMDLR 107, பெர்­ணாண்டோ எதிர் பெர்­னாண்டோ 2 MMDLR 1 ஆகிய வழக்­கு­களின் தீர்ப்­புகள் இதற்கு உதா­ர­ணங்­க­ளாகும்.ஹனபி மத்­ஹபின்படி ஆண் பிள்­ளையின் பாது­காப்­பு­ரிமை அப்­பிள்­ளையின் 7 வயது வரை­யிலும் தாய்­கு­ரி­ய­தாகும். 7 வயதின் பின்­னரே அவ்­வு­ரிமை தந்­தையைச் சென்­ற­டையும் (பாயிஸ் முஹம்­மது எதிர் எல்ஸி பாத்­தும்மா 3 MMDLR 3)பெண் பிள்­ளையின் பாது­காப்­பு­ரிமை அப்­பிள்ளை பருவ வய­த­டையும் வரை தாய்க்­கு­ரி­ய­தாகும். (நோனா சுஜா 1 MMDLR 107)

தாயின் மரணம் / பொருத்­த­மின்மை
தாயின் மரணம் மற்றும் பொருத்­த­மின்­மையின் போது பிள்­ளையின் பாது­காப்­பு­ரிமை தாய்­வழி உற­வி­னர்­க­ளையே சென்­ற­டையும். தகப்­ப­னுக்கு வழங்­கப்­ப­ட­மாட்­டாது. இச்­சந்­தர்ப்­பத்தில் தாயின் தாய் அல்­லது தாயின் சகோ­தரி தகப்­பனை விடவும் முன்­னு­ரிமை பெறக் கூடி­ய­வர்­க­ளா­வார்கள்.

முஹம்­மது காசிம் எதிர் காசி லெப்பை (1 MMDLR 102) என்ற வழக்கில் தாயின் மர­ணத்தின் பின்னர் 9 வயது பெண் பிள்­ளையின் பாது­காப்­பு­ரிமை தாயின் சகோ­த­ரிக்கே வழங்­கப்­பட்­டது. ஆனால் தகப்­ப­னுக்கு வழங்­கப்­ப­ட­வில்லை. அதே­போன்று லெப்பே மரிக்கார் (1 MMDLR 5) ஹாஜி மரிக்கார் எதிர் அஹ­மது லெப்பை (1 MMDLR 9) போன்ற வழக்­கு­க­ளிலும் பிள்­ளையின் பாது­காப்­பு­ரிமை தகப்­ப­னுக்கு வழங்­கப்­ப­டாமல் தாய்­வழி உற­வி­னர்­க­ளுக்கே வழங்­கப்­பட்­டது. எனினும் 'பிள்­ளையின் சிறப்­பான நலன்' என்­பதே மிக முக்­கியம் என்­பதன் அடிப்­ப­டையில் தாய் வழி உற­வி­னர்­களை விடவும் தகப்­ப­னுக்கு முன்­னு­ரிமை வழங்­கப்­படும் சந்­தர்ப்­பங்களும் ஏற்­ப­டலாம் என்­பது குறிப்­பி­டத்­தக்­க­தாகும்.

சேகு மீரா லெப்பை (1 MMDLR 30) என்ற வழக்கில் தாயின் மர­ணத்தின் பின்னர் 3 வயது ஆண் பிள்­ளையின் பாது­காப்­பு­ரிமை தாய்­வழி உற­வி­னர்­க­ளுக்கு வழங்­கப்­ப­டாமல் தந்­தைக்கு வழங்­கப்­பட்­டது. முஸ்லிம் சட்­டத்தில் காணப்­படும் பாது­காப்பு முன்­னு­ரிமை உப­யோ­கங்கள் இலங்­கையில் நடை­மு­றையில் இல்லை என்­பதன் அடிப்­ப­டையில் இத்­தீர்ப்பு வழங்­கப்­பட்ட போதிலும் கூட பின் வந்த வழக்­கு­களில் இத்­தீர்ப்பு பின்­பற்­றப்­ப­ட­வில்லை.

தாய் பாது­காப்­பு­ரி­மையை  இழக்கும் சந்­தர்ப்­பங்கள்
ஒரு சில சந்­தர்ப்­பங்­களில் பிள்­ளைகள் மீதான பாது­காப்­பு­ரி­மையை தாய் இழக்க வேண்­டி­யேற்­படும் என முஸ்லிம் விவாக, விவா­க­ரத்துச் சட்டம் சுட்டிக் காட்­டி­யுள்­ளது.

பிள்­ளைக்கு முற்­றிலும் புதிய ஒரு­வரை தாய் திரு­மணம் செய்தல்
பிள்­ளையின் பாது­காப்­பு­ரி­மையைப் பெற்­றுள்ள விவா­க­ரத்துப் பெற்ற பெண்/ விதவை அப்­பிள்­ளைக்கு நெருங்­கிய உறவு முறை­யி­லுள்ள ஒரு­வரைத் திரு­மணம் செய்யும் சந்­தர்ப்­பத்தைத் தவிர வேறு ஒரு­வரைத் திரு­மணம் செய்யும் போது அத்தாய் அப்­பிள்ளை தொடர்­பி­லான பாது­காப்­பு­ரி­மையை இழக்­கிறாள். (நோனா சுஜா 1 MMDLR 107, மப்­தூஹா எதிர் தாசிம் 65 NLR 547) புதி­தாக திரு­மணம் செய்து கொண்ட ஒருவர் அத்தாய் பிள்­ளையை பாசத்­து­டனும் அக்­க­றை­யு­ட­னும் வளர்த்­தெ­டுப்­ப­தற்கு சம்­ம­திக்க மாட்டார் என்­பதன் அடிப்­ப­டை­யி­லேயே இவ்விதி பின்­பற்­றப்­பட்­டது என்­றாலும் பிள்­ளையின் மேலான நலனை நோக்­க­மாகக் கொண்டு மாற்­றப்­ப­டலாம் என இதற்குப் பின்­னைய வழக்­கான ஹமீன் எதிர் மலீஹா பீபி 70  NLR 405 என்ற வழக்கில் தீர்ப்பு வழங்­கப்­பட்­டது. 

பிள்­ளைக்கு உற­வி­ன­ரல்­லாத ஒரு­வ­ரு­ட­னான தாயின் இரண்டாம் திரு­மணம் பிள்­ளையின் மீதான அத்­தாயின் பாது­காப்­பு­ரி­மையை இழக்க வழி­கோலும் என்ற பொது­வான கோட்­பாட்டின் மீதான வினா சுபைர் எதிர் இஸ்­திகார் 77 NLR 397 என்ற வழக்கில் எழுந்­தது. இவ்­வ­ழக்கின் போது விசேட சந்­தர்ப்­பங்­களில் பிள்­ளையின் மேலான நலனை நோக்­க­மாகக் கொண்டு பிள்­ளையின் பாது­காப்­பு­ரிமை அத்­தா­யி­டமே தொடர்ந்தும் காணப்­படும் என இவ்­வ­ழக்கில் தீர்க்­கப்­பட்­டது. இவ்­வா­றான மூன்று சந்­தர்ப்­பங்­களில் பிள்­ளையின் பாது­காப்­பு­ரிமை தொடர்ந்தும் தாயிடம் காணப்­படும் என இவ்­வ­ழக்­கிலும் தெரி­விக்­கப்­பட்­டது. 

* பிள்­ளைக்கு சிறந்த சௌக­ரி­ய­மான வாழ்க்­கையை வழங்­கு­வதை நோக்­க­மாகக் கொண்டே அத்தாய் மீண்டும் திரு­மணம் செய்த சந்­தர்ப்­பங்கள்.
* பிள்ளை தொடர்ந்தும் தாயிடம் இருப்­பதே பிள்­ளையின் விருப்­பமும் நல­னு­மாக 
இருக்கும் சந்­தர்ப்பம். 
* தாய் இரண்­டா­வது திரு­மணம் செய்த போது அச்­செய்­தியை அறிந்தும் கூட ஒரு குறிப்­பிட்ட காலத்­தினுள் தகப்பன் பிள்­ளையின் பாது­காப்­பு­ரி­மையைக் கோராத சந்­தர்ப்பம். இச்­சந்­தர்ப்பம் தகப்பன் தனது உரி­மையைக் கைவிட்டு விட்டார் என்ற ஊகம் கொள்­ளப்­படும். 

தாயி­னது தவ­றான நடத்­தையும் பிள்­ளையைக் கொடு­மைப்­ப­டுத்­தலும்
தாயி­னது தவ­றான நடத்தை, பிள்ளை மீதான தாயின் கவ­ன­யீனம், கொடுமை என்­பன பிள்ளை மீதான தாயின் பாது­காப்­பு­ரி­மையை இழக்க வழி­கோலும். எல்லா வகை­யான தவ­றான நடத்­தை­களும் பிள்­ளையின் மீதான தாயின் பாது­காப்­பு­ரி­மையை இல்­லா­ம­லாக்கும் என்று சொல்­வ­தற்­கில்லை. உடல் ரீதி­யிலோ நடத்தை ரீதி­யிலோ பிள்­ளைக்கு ஊறு விளை­விக்கக் கூடிய தாயின் தவ­றான நடத்­தை­களே அவ்­வு­ரி­மையை இழக்க வழி­கோலும். தாயின் மதுப் பழக்­கமும் ஆண்கள் மீதான இரவு, பகல் தவ­றான நடத்­தை­யையும் பிள்­ளைக்கு ஊறு விளை­விக்கக் கூடி­யது என பெர்­ணான்டோ எதிர் பெர்­ணான்டோ என்ற வழக்கில் தீர்ப்­ப­ளிக்­கப்­பட்­டது. என்­றாலும் தாயின் புகைப்­பி­டிக்கும் பழக்கம் அத்­த­கையை அள­வுக்கு கணக்­கி­லெ­டுக்­கப்­ப­டாது எனவும் நீதி­மன்றம் கரு­தி­யது. 

மத­மாற்றம் / நம்­பிக்கை மாற்றம்
மத­மாற்றம் பாது­காப்­பு­ரி­மைக்­கான தகு­தி­யின்­மையை ஏற்­ப­டுத்தும் என்­பது பாரம்­ப­ரிய இஸ்­லா­மிய சட்டம் எனினும், பிள்­ளையின் மேலான நலன் எனும் கோட்­பாட்டின் அடிப்­ப­டையில் இது கட்­டா­ய­மாக இத் தகு­தி­யின்­மையை ஏற்­ப­டுத்தும் என்­பது அர்த்­த­மல்ல. 
மத­மாற்றம் தொடர்­பி­லான இஸ்­லா­மியச் சட்ட வலி­யு­றுத்­தல்கள் பல நாடு­களில் நடை­முறைச் சாத்­தியம் குறைந்­த­ள­வாகக் காணப்­ப­டு­கின்­றன.

தகப்­ப­னி­டத்தில் தவ­றான நடத்தை, ஒழுக்­கக்­கே­டுகள் எது­வு­மில்­லாத பட்­சத்தில் மதக் கொள்­கை­களை மாத்­திரம் அடிப்­ப­டை­யாக வைத்து பிள்­ளைகள் பாது­காப்புத் தொடர்­பி­லான தகப்­பனின் உரிமை தடுக்­கப்­பட முடி­யா­தது என பெர்­ணான்டோ எதிர் பெர்­ணான்டோ 2 MMDLR 1 என்ற வழக்கின் தீர்ப்பில் கூறப்­பட்­டுள்­ளது. அதே போன்று பிள்­ளையின் மேலான நலன் தாயின் பாது­காப்­பு­ரி­மையின் கீழே பேணப்­படும் என்ற சந்­தர்ப்­பத்தில் தாயின் மத­மாற்­ற­மா­னது பிள்ளை மீதான தாயின் பாது­காப்­பு­ரி­மையைத் தடுக்­காது எனக் கூறலாம். 

வதி­வி­டத்தை மாற்­றுதல் 
பிள்­ளையின் மீதான தகப்­பனின் அத்­தி­யா­வ­சிய மேற்­பார்­வை­யினைத் தடை செய்யும் முக­மாக பிள்­ளையின் பாது­காப்­பு­ரி­மையைத் தன்­வசம் கொண்­டுள்ள தாய் வதி­வி­டத்தை மாற்றும் போது தாயின் அவ்­வு­ரிமை இழக்­கப்­படும். தகப்­பனே பிள்­ளையின் சட்­ட­ரீ­தி­யான பாது­கா­வலர் என்ற முறையில் பிள்­ளையின் பாது­காப்­பு­ரிமை தாயிடமிருந்த போதிலும் கூட பரா­ய­ம­டை­யாத பிள்­ளை­களின் சட்­ட­ரீ­தி­யான பாது­கா­வலர் தகப்பன் என்ற ரீதியில் பிள்­ளையின் மீது தகப்­ப­னுக்கு குறிப்­பிட்ட உரி­மை­க­ளையும் பொறுப்­பு­க­ளையும் சட்டம் அங்­கீ­க­ரித்­துள்­ளமை குறிப்­பி­டத்­தக்­க­தாகும். 

ஏனைய நாடு­களில் பிள்­ளை­களின் பாது­காப்பும் பாது­கா­வ­லரும்

கமரூன், மத்­திய ஆசிய நாடுகள் 
கமரூன் மற்றும் மத்­திய ஆசிய நாடு­களில் பெற்றோர் இரு­வரில் யாரா­வது ஒரு­வ­ருக்கு வழங்­கப்­படும். ஆனால் பிள்­ளை­களின் மேலான நலனை அடிப்­ப­டை­யாகக் கொண்டே இத்­தீர்­மானம் எடுக்­கப்­படும். 

கம்­பியா 
கம்­பி­யாவில் பிள்­ளை­களின் மேலான நலனைக் கருத்திற் கொண்டே தீர்­மானம் எடுக்­கப்­படும். இவ்­வு­ரிமை தாய் அல்­லது தகப்பன் அல்­லது மூன்றாம் நப­ருக்கு வழங்­கப்­படும். 

டியு­னீ­சியா
டியு­னீ­சி­யாவில் பெற்றோர் சம­மான உரி­மையைக் கொண்­டுள்­ளனர். திரு­மணம் வலி­தாக இருக்கும்போது  பெற்றோர் இரு­வ­ருக்கும் பிள்­ளைகள் தொடர்பில் சம­மான உரிமை உண்டு. விவா­க­ரத்­தின்­போது பிள்­ளையின் மேலான நலனின் அடிப்­ப­டையில் நீதி­பதி தீர்­மானம் எடுப்பார். 

துருக்கி 
துருக்­கியில் பெற்­றோரின் நீதி முறைப்­பி­ரிவு/ விவா­க­ரத்தின் போது பிள்­ளை­களின் பாது­காப்பு மற்றும் பாது­காப்பு உரி­மையில் தாய், தகப்­ப­னி­டையே எவ்­வித பார­பட்­சமும் காணப்­ப­டாது பிள்ளை யாரிடம் சிறந்த முறையில் வளர்க்­கப்­படும் என்­பதில் நீதி­பதி திருப்தி அடை­வாரோ அவ­ருக்கே அந்த உரிமை வழங்­கப்­படும். இவ்­வி­ட­யத்தில் ஆண் மேலா­திக்­கத்­துவம் என்­ப­தற்கு எவ்­வித இட­மு­மி­ருக்­காது. 

செனகல் 
செனகல் நாட்டில் திரு­மணம் வலி­தாக இருக்கும் சந்­தர்ப்­பத்தில் பிள்­ளை­களின் பாது­காப்பு தொடர்­பி­லான கூடிய உரிமை தகப்­ப­னுக்கே உண்டு. ஆனால் விவா­க­ரத்தின் போது பிள்­ளை­களின் மேலான நலனை அடிப்­ப­டை­யாகக் கொண்டு பெற்றோர் இரு­வரில் ஒரு­வ­ருக்கு அல்­லது மூன்றாம் நப­ருக்கு இவ் உரிமை நீதி­மன்­றத்­தினால் வழங்­கப்­படும். ஒரு விதவை மீண்டும் திரு­மணம் செய்யும் சந்­தர்ப்­பத்தில் அவ்­வி­த­வையின் பிள்­ளை­களின் பாது­காப்பு, பரா­ம­ரிப்பு, கல்வி தொடர்­பி­லான உரி­மை­களில் சில நிபந்­த­னை­களைக் கோரி அவ்­வி­த­வையின் உற­வி­னர்கள் நீதி­மன்­றத்­திற்கு விண்­ணப்­பிக்­கலாம். சில நாடு­களில் பிள்­ளை­களின் பாது­காப்­பு­ரி­மை­யா­னது பிள்­ளை­களின் சிறப்­பான நலனின் அடிப்­ப­டை­யி­லேயே தீர்­மா­னிக்­கப்­படும். அதே சந்­தர்ப்­பத்தில் தகப்பன் பிள்­ளையின் இயற்கை பாது­கா­வலர் என்ற ஊகமும் காணப்­படும். 

பங்­க­ளாதேஷ், இந்­தியா, பாகிஸ்தான்
பங்­க­ளாதேஷ், இந்­தியா, பாகிஸ்தான் ஆகிய நாடு­களில் பரா­ய­ம­டை­யா­த­வர்­க­ளையும் அவர்­க­ளது ஆத­னங்­க­ளையும் பாது­காக்கக் கூடி­ய­வர்கள் என ‘பாது­கா­வ­லர்’க்கு வரை­வி­லக்­கணம் வழங்­கப்­பட்­டுள்­ளது. பரா­ய­ம­டை­யா­த­வர்­களின் பாது­காப்பும் பாது­கா­வலர் உரி­மையும் என்ற விட­யத்தில் அப்­ப­ரா­ய­ம­டை­யா­த­வர்­களின் நல­னையே நீதி­மன்றம் கருத்திற் கொள்ளும். ‘நலன்’ எனும் போது அவர்­களின் வயது, பால், மதம் பாது­கா­வ­ல­ராக நிய­மிக்­கப்­பட இருப்­ப­வரின் நடத்­தையும் ஆற்­றலும் பரா­ய­ம­டை­யா­த­வ­ருக்கும் பாது­கா­வ­ல­ராக நிய­மிக்­கப்­பட  இருப்­ப­வ­ரி­டை­யே­யான உறவு முறை பெற்­றோரில் யாரா­வது இறந்­தி­ருப்பின்  அவரின் விருப்பம் பாது­கா­வ­ல­ராக நிய­மிக்க ப்பட­வி­ருப்­ப­வ­ருக்கும் பரா­ய­ம­டை­யா­த­வ­ருக்கும்  பரா­ய­ம­டை­யா­த­வரின் ஆத­னத்­திற்­கு­மி­டை­யி­லான  தொடர்பு பரா­ய­ம­டை­யா­த­வரின் விருப்பம் (அப் பரா­ய­ம­டை­ய­தவர்  சுய­மாக தீர்­மானம் எடுக்கக் கூடிய புத்தி சுவா­தீ­ன­மு­டை­ய­வ­ராயின்) என்­பன அடங்கும்.  அண்மைக் காலங்­களில் பங்க­ளாதேஷ், பாகிஸ்தான் போன்ற நாடு­களின் பிள்­ளை­களின் பாது­காப்பு உரிமை தொடர்பில் வழங்­கப்­பட்ட  நீதி­மன்ற  தீர்ப்­புகள் பாது­காப்பு உரிமை தாய்க்கு வழங்­கப்­ப­டு­வதன் மூலமே பிள்­ளை­களின் நலன் பாது­காக்­கப்­படும் எனும் வகையில் அமைந்­துள்­ளன. 

மலே­ஷியா 
மலே­ஷி­யாவில் பிள்­ளை­களின் பாது­காப்­பு­ரிமை தாய்க்கே வழங்­கப்­படும். தாய் அவ்­வு­ரி­மையை இழக்கும் சந்­தர்ப்­பத்தில் தாய் வழி உற­வி­னர்­க­ளுக்கு அவ்­வு­ரிமை செல்லும். ஆனால் பாது­கா­வலர் உரிமை தகப்பன் வழிக்கே செல்லும். 

இலங்கை
இலங்­கையில் பிள்­ளை­களின் பாது­காப்­பு­ரிமை மாவட்ட நீதி­மன்­றங்­க­ளி­னா­லேயே தீர்­மா­னிக்­கப்­படும். தவி­ரவும் காதி நீதி­மன்­றங்­களில் அல்ல. பிள்­ளை­களின் சிறப்­பான  நலனின்  அடிப்­ப­டை­யி­லேயே தீர்­மா­னங்கள் அமையும். பாது­காப்­பு­ரிமை வழங்­கப்­ப­டு­வ­தற்கு தகுதி பெற்­ற­வ­ரல்ல என்று நீதி­மன்றம் தீர்­மா­னிக்கும் சந்­தர்ப்­பத்தில் அவ்­வு­ரிமை தகப்பன் வழி­ பாட்­ட­னுக்கு அல்ல தகப்­பனின் சகோ­த­ரர்­க­ளுக்கு வழங்­கப்­படும். ஆனால் பெற்­றோரில் ஒருவர் மர­ணிக்கும் சந்­தர்ப்­பத்தில் பிள்­ளை­க­ளுக்­கான நிர்­வாகி ஒரு­வரைத் தகப்பன் நிய­மித்­தி­ருந்த போதிலும் கூட உயிர் வாழும் பெற்­றோ­ருக்கே பிள்­ளையின் பாது­காப்­பு­ரிமை செல்லும். ஆனால் பிள்­ளையின் பாது­கா­வலர்  உரி­மை­யா­னது  தகப்பன்  அல்­லது  தகப்பன்  வழி பாட்­ட­னுக்கே உரி­யது.  பாது­கா­வ­ல­ரா­னவர் நிதி தொடர்­பான அனைத்து விட­யங்­க­ளிலும் சட்டப் பிர­தி­நி­தித்­துவம் பெற்­ற­வ­ராவார். பரா­ய­ம­டை­யா­த­வரின் செல்வம், சொத்து விட­யங்­களில் இயற்கைப் பாது­கா­வலர் அசி­ரத்­தை­யாக இருக்கும் அல்­லது ஏற்ற நட­வ­டிக்­கைகள் எடுக்­கத்­த­வறும் தரு­ணத்தில் நீதி­மன்றம் ஒரு நம்­பிக்கை பொறுப்­பா­ளரை நிய­மிக்கும். பரா­ய­ம­டை­யாத முஸ்லிம் பிள்­ளைக்கு முஸ்­லி­மல்­லாத ஒருவர் நம்­பிக்கை பொறுப்­பா­ள­ராக நிய­மிக்­கப்­ப­ட­மாட்டார். 

பிலிப்பைன்ஸ்
பிலிப்பைன்ஸ் நாட்டில் பெற்றோர் விவா­க­ரத்துப்  பெற்­றி­ருக்கும் சந்­தர்ப்­பத்தில் 7 வய­துக்குக் குறைந்த பிள்­ளை­களின் பாது­காப்­பு­ரிமை தாய்க்கே உரி­யது. தாய் இல்­லாத சந்­தர்ப்­பத்தில் தாய்­வழிப் பாட்டி, தந்தை வழிப்­பாட்டி, சகோ­தரி, பெற்­றோரின் சகோ­தரி என்ற ஒழுங்கில் செல்லும். இவை எதுவும் தவறும் பட்­சத்தில் மாத்­தி­ரமே அவ்­வு­ரிமை தகப்­ப­னுக்கும் , தகப்­பனின் ஏனைய உறவு முறை­யி­ன­ருக்கும் செல்லும். 7 வய­துக்கு மேற்­பட்ட ஆனால் பரா­ய­ம­டை­யா­தவர் பெற்­றோரில் எவரின் பாது­காப்பில் இருக்க வேண்டும் என்று விரும்­பு­கின்­ற­னரோ அவர்­களின் பாது­காப்­பு­ரிமை வழங்­கப்­படும்.

 பருவ வய­தை­ய­டைந்த திரு­ம­ண­மா­காத பெண் பிள்­ளையின் பாது­காப்­பு­ரிமை தகப்­ப­னுக்கும், அதே ஆண் பிள்­ளையின் பாது­காப்­பு­ரிமை தாய்க்கும் வந்­த­டையும். பிள்­ளை­களின் திரு­மணம், சொத்து என்­ப­ன­வற்றின் பாது­கா­வலர் உரிமை தகப்­பனைச் சாரும். பெற்­றோரின் அதி­கா­ர­மா­னது இணைந்த, கூட்­டான அதி­கா­ர­மாக இருக்கும் பட்­சத்­திலும் கூட தகப்­பனின் முடிவே மேலா­திக்கம் பெறும்.

மொரோக்கோ
மொரோக்­கோவில் விவா­க­ரத்து பெற்ற ஒரு தாய்க்கு பெண் பிள்­ளைகள் திரு­மணம் செய்யும் வரை­யி­லான பாது­காப்­பு­ரி­மையும், ஆண் பிள்­ளைகள் பருவ வய­தை­ய­டையும் வரை­யி­லான பாது­காப்­பு­ரி­மையும் வழங்­கப்­படும். சில நாடு­களில் பிள்­ளை­களின் பாது­காப்­பு­ரிமை பிள்­ளை­களின் வயதில் தங்­கி­யுள்­ளது.

அல்­ஜீ­ரியா
தாய் மற்­றொரு திரு­மணம் செய்­யாத வரையில் ஆண் பிள்­ளையின் பாது­காப்­பு­ரிமை அப்­பிள்­ளையின் 16 வயது வரை­யிலும் தாய்க்கே உரித்­தாகும். ஆனால் தாய் மீண்­டு­மொரு திரு­மணம் செய்யும் பட்­சத்தில் அப்­பிள்­ளையின் 10 வயது வரை­யி­லான பாது­காப்­பு­ரி­மையே தாயை அடையும். தாய் மீண்­டு­மொரு திரு­மணம் செய்­யாத வரையில் பெண் பிள்­ளையின் பாது­காப்­பு­ரிமை, அப்­பிள்ளை திரு­மணம் செய்யும் வரை தாயையே சாரும். ஆனால் தாய் மீண்டும் ஒரு திரு­மணம் செய்யும் போது அவ்­வு­ரிமை இழக்­கப்­படும். எனினும் பிள்­ளையின் நல­னி­லேயே அப்­பிள்­ளையின் பாது­காப்­பு­ரிமை தங்­கி­யுள்­ளது. பிள்­ளையின் பாது­கா­வலர் உரிமை தகப்­ப­னுக்­கு­ரி­யது. தகப்பன் வேறு வித­மான அபிப்­பி­ரா­ய­மெ­தையும் விட்டுச் செல்­லாத பட்­சத்தில் தகப்­பனின் மர­ணத்தின் பின்னர் அவ்­வு­ரிமை தாயை அடையும்.

எகிப்து
எகிப்தில் ஆண் பிள்­ளையின் பாது­காப்­பு­ரிமை அப்­பிள்­ளையின் 10 வயது வரை தாய்க்­கு­ரி­யது. பிள்­ளையின் 15 வயது வரை­யி­லான பாது­காப்­பு­ரி­மையைத் தாய்க்கு வழங்கக் கூடிய தற்­று­ணிவு நீதிபதிக்கு உண்டு. பெண் பிள்ளையின் 12 வயது வரையிலான பாதுகாப்புரிமை தாய்க்குரியது. ஆனால் பெண் பிள்ளை திருமணம் செய்யும் காலம் வரையிலான  பாதுகாப்புரிமையைத் தாய்க்கு வழங்கக்கூடிய தற்றுணிவு நீதிபதிக்கு உண்டு.

சூடான்
சூடானில் ஆண் பிள்ளையின் 7 வயது வரையிலான பாதுகாப்புரிமையும், பெண் பிள்ளையின் 9 வயது வரையிலான பாதுகாப்புரிமையும்  தாய்க்குரியது. ஆனால் தாயின் தொடர்ச்சியான பாதுகாப்புரிமை பிள்ளையின் மேலான நலனை நோக்கமாகக் கொண்டது என்பதையும், விசேடமாக தந்தையின் பாதுகாப்புரிமை பிள்ளைக்குப் பொருத்தமானதல்ல என்பதனையும் தாயும், தாயின் வழி உறவினர்களும்  நிரூபிக்கும் சந்தர்ப்பத்தில் தாயின் பாதுகாப்புரிமைக் காலம் நீடிக்கப்படும். 

ஆனால் பிள்ளையின் பாதுகாவலர் உரிமை பெற்றோர் விவாகரத்துப் பெற்றிருக்கும் அல்லது நீதிமுறைப் பிரிவில் இருக்கும் சந்தர்ப்பத்தில் தகப்பனுக்குரியது. பிள்ளையின் சமூகவியல், கல்வி, நடத்தை, ஒழுக்கம் அனைத்துக்குமுரிய பொறுப்புடைமை தகப்பனையே சாரும். ஆண் பிள்ளை மீதான  தகப்பனின் பாதுகாவலர் உரிமை பிள்ளை பராயமடையும் வரைக்கும் தொடரும். பெண் பிள்ளையின்  மீதான பாதுகாவலர் உரிமைக்கு கால எல்லை எதுவுமில்லை.

ஈரான்
ஈரானில் இரண்டு வயதைத் தாண்டிய ஆண் பிள்ளையின் பாதுகாப்புரிமையும், 7 வயதைத் தாண்டிய பெண் பிள்ளையின் பாதுகாப்புரிமையும் தகப்பனுக்குரியது. தாய் மீண்டும் ஒரு திருமணம் செய்யும் சந்தர்ப்பத்தில் மேற்கூறப்பட்ட வயதுகளையடையாத பிள்ளைகளின் பாதுகாப்புரிமையும் தாயை வந்து சேரும்.ஆனால் அப்பிள்ளைகளின் நடத்தையிலும் சிரத்தையிலும் ஏதாவது குறைபாடுகள் காணப்படும் பட்சத்தில் பிள்ளைகளின் பாதுகாப்புரிமை பற்றித் தீர்மானிக்கப்படுவதில் நீதிமுறைத் தற்றுணிவுக்கு அனுமதி உண்டு. பிள்ளைகளின் பாதுகாப்புரிமை தந்தைக்கு வழங்கப்படுவது பொருத்தமானதொரு விடயமல்ல என்பதை நீதிமன்றங்கள் அரிதாகவே ஏற்றுக்கொள்கின்றன.